USD 434.84 EUR 498.2
RUB 5.72 CNY 68.47
Jańalyqtar

Түркістанды дамытуға ғарыш мүмкіндіктері пайдаланылады

2021 жылғы 15 қазан 10:36
Бөлісіңіз:
Түркістанды дамытуға ғарыш мүмкіндіктері пайдаланылады

Қазақстандық ғарышкер, «Қазақстан ғарыш сапары» ҰК» АҚ басқарма төрағасы Айдын Айымбетов Түркістанға келді, деп хабарлайды ҚазАқпарат Түркістан облысы әкімдігінің баспасөз қызметіне сілтеме жасап.

Ұқсас жаңалықтар
Түркістан облысынды  40-тан астам блок бекет алынды Түркістан облысының блокбекеттерінде 863 заңбұзушылық тіркелді Түркістан облысында төтенше жағдай кезінде 850-ден астам құқық бұзушылық анықталды

Ғарыш саласына жауапты басшымен Түркістан облысы әкімінің орынбасары Ұлан Тәжібаев кездесу өткізіп, маңызды мәселелерді талқылады. Атап айтқанда, Түркістан облысының экономикасын көтеруде ғарыштық технологияларды қолданудың мүмкіндіктері сараланды.

Қазақ ғарышкері Айдын Айымбетов қазіргі таңда мемлекеттердің дамуында ғарыш саласының ықпалы зор екеніне тоқталып, ол мүмкіндікті тиімді пайдалануға болатынын жеткізді.

Облыс әкімінің орынбасары Ұлан Тәжібаев Түркістан өңірін дамыту бағытында ғылымның жетістігін негізге алу кезек күттірмес мәселе екенін айтты.

Кездесу нәтижесінде «Қазақстан ғарыш сапары» ҰК» АҚ мен Түркістан облысы әкімдігі арасында меморандумға қол қойылды. «Қазақстан ғарыш сапары» ҰК» АҚ мен Түркістан облысы әкімдігінің Ситуациялық орталығының бірлескен жобалары үшін арнайы ақпараттық топ құрылатын болды. Ол топқа төтенше жағдайлар, ауыл шаруашылығы салаларының өкілдері қосылады. Ғарыштық мониторинг арқылы өңірдегі жердің мақсатты пайдаланылып жатқаны немесе пайдаланылмағаны да екшелмек.

Сонымен бірге Түркістан облысындағы бірқатар басқарма мен департамент мамандары ғарыштық мониторинг жасау және өңірге пайдалы нақты шешімдерді талдау және шығаруды меңгеру үшін арнайы білім алмақ. Оларды «Қазақстан ғарыш сапары» ҰК» АҚ-ның білікті мамандары оқытып, кеңес береді. «Қазақстан ғарыш сапары» ҰК» АҚ мен Түркістан облысы әкімдігі арасындағы әріптестікті нығайту, жоспарларды жүзеге асыру бойынша 2021 жылдың соңына дейін жол картасы әзірленеді.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанат Қапалбаева
Жанат Қапалбаева
954-059

MURAǴAT