Қолданушы баптаулары
Қолданушы баптаулары
+7 (701) 759 90 19 Лента
USD 379.36 EUR 424.47
RUB 5.88 CNY 54.95
Jańalyqtar

Түркістанды әлеуметтік-экономикалық дамытудың кешенді жоспары талқыланды

2019 жылғы 26 сәуір 15:51 466
Бөлісіңіз:
Түркістанды әлеуметтік-экономикалық дамытудың кешенді жоспары талқыланды

ТҮРКІСТАН. ҚазАқпарат - Түркістанда ҚР Премьер-Министрі Асқар Маминнің төрағалық етуімен селекторлық режімде өткен жиында Түркістан қаласында салынатын нысандардың құрылыс барысы талқыланды, деп хабарлайды ҚазАқпарат тілшісі.

Ұқсас жаңалықтар
Еліміздегі ЖОО жанынан жазғы академиялық мектептер ашылады Гүлшара Әбдіқалықова: Әкімдіктер жазғы демалыста көпбалалы отбасыларға баса мән бергені жөн

Құрылысы басталған нысандарға жауапты облыс әкімдері басқосуда жұмыстың барысын айтып өтті. Аймақ басшысы Өмірзақ Шөкеев  киелі шаһардағы тарихи-мәдени нысандардың құрылысы мен тұрғын үй мәселесін, инженерлік-коммуникациялық инфрақұрылымды салу мен жолдардың сапасын жақсарту жайын баяндады. Туризм мен ауыл шаруашылығын және арнайы экономикалық аймақты дамыту барысын сөз етті.  Басқосуда Түркістан аймағын 2024 жылға дейін әлеуметтік-экономикалық дамытудың кешенді жоспарының жобасын іске асыруға баса назар аударылды.

Жалпы ұсынылған құжат аясында 55 білім беру, 8 денсаулық сақтау, 13 мәдениет және спорт нысандарын, сондай-ақ 13 мың отбасыға арналған тұрғын үй салу жоспарлануда. Жоба жүзеге асқанда өңірдің экономикалық дамуына жаңа серпін береді және 2017 жылмен салыстырғанда жалпы ішкі өнім 1,7 есе ұлғаяды, сондай-ақ шамамен 10 мыңға жуық жаңа жұмыс орнын құруға мүмкіндік береді деп күтілуде.

Өз кезегінде ҚР Ұлттық экономика министрі Р. Даленов, ҚР Ауыл шаруашылығының бірінші вице-министрі А. Сапаров, ҚР Индустрия және инфрақұрылымдық даму бірінші вице-министрі К. Өскенбаев, ҚР Бірінші қаржы вице-министрі Б. Шолпанқұлов, ҚР Энергетика вице-министрі М. Мирзағалиев, ҚР Білім және ғылым вице-министрі Б. Асылова, ҚР Денсаулық сақтау вице-министрі Қ. Надыров, ҚР Мәдениет және спорт вице-министрі Е. Қожағапанов негізгі бағыттардағы өзгерістер туралы түсініктеме берді.

 

 

Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
REDAKTOR
Ербол Жанат
Ербол Жанат
954-059
MURAǴAT