Түркістанда жүрек, ми және аяқ-қол тамырларына күрделі ота жасауға мүмкіндік туды

None
ТҮРКІСТАН. ҚазАқпарат – Түркістанда жүрек, ми және аяқ-қол тамырларына күрделі ота жасауға мүмкіндік бар, деп хабарлайды ҚазАқпарат тілшісі.

Түркістан қалалық орталық ауруханасында жылжымалы ангиографиялық жүйесі орнатылған ота залы ашылды.

«Бүгін Түркістан қаласындағы орталық ауруханаға заманауи жылжымалы ангиографиялық жүйе орнатылды. Бұдан бұрын мұндай аппарат Сайрам және Сарыағаш аудандық ауруханаларына да қойылған болатын. Бұл – біз үшін үлкен қуаныш. Мұның бәрі халық үшін жасалып жатқан жұмыстар. Мемлекеттік қолдаудың арқасында осындай құрал-жабдықтар медициналық мекемелерге қойылып жатыр. Бұл жүйе жүрек, ми және аяқ-қол тамырларына күрделі ота жүргізуге мүмкіндік береді», - деді шараға қатысқан Түркістан облысы қоғамдық денсаулық сақтау басқармасының басшысы Марат Пашимов.


Фото: Түркістан облыстық денсаулық сақтау басқармасы


Соңғы жаңалықтар