Түркістанда жолақы жақын арада қымбаттамайды
Облыс орталығында су жаңа көліктер №4 «А» және №30 бағыттарға шығарылды. Ертеңгі күннен бастап қалған автобустар №4, №5, №7, №10 №31 бағытында жолаушыларды тасымалдайтын болады.
«Кестеге сай күнделікті 270 қоғамдық көлік түркістандықтарға қызмет көрсетеді. Сапалы қызмет, тұрғындарға жайлылық сыйлау мақсатында шағын автобустардың орнына Қытай ХР-нан 2018 жылы шығарылған үлкен автобустар сатып алдық. Евро-5 үлгідегі, яғни таза экологиялық автобустардың сиымдылығы 54 орынға лайықталған. Мамыр айында тағы да 10 автобусқа қол жеткіземіз деп жоспарлап отырмыз», - деді «Жолаушы» ЖШС мекемесінің атқарушы директоры Медетбек Жұмагелдіұлы.
Өз кезегінде қалалық Жолаушылар көлігі және автомобиль жолдары мекемесінің басшысы Байдулла Оразбеков жақын арада жолақыға бағасына қатысты еш алаңдауға негіз жоқ екендігін айтты. Оның сөзінше жолақы құны қымбаттамайды.