Түркістанда жаңадан су қоймасы салынды
Жалпы қоры 2 млн текше метр суды сақтауға қауқарлы қойманың ашылу салтанатына қатысқан облыс әкімі Жансейіт Түймебаев өңірде мұндай нысандардың саны болашақта артатынын жеткізді
«Оңтүстік Қазақстан облысында келешекте 30-ға жуық су қойманың құрылысы басталады. Нәтижесінде суды тиімді пайдаланып, оны сақтап суармалы жерлерге жұмсауға болады. Осылайша облыста егістіктің көлемі артып, жергілікті жұртты жұмыспен қамтуға мүмкіндік туады. Ең бастысы ауыл шаруашылығын дамытуға ерекше екпін береді», - деді Жансейіт Қансейітұлы.
Айта кетерлігі, 2016 жылдың қыркүйек айында басталған «Қарашық» шағын су қоймасының құрылысын «СМК и Ж-7» ЖШС-ы жүргізген. Құрылыс нысанын салуға қазынадан 471,4 млн теңге жұмсалып отыр. Бүгінде су қоймасы ел игіліне беріліп, алдағы уақытта Үшқайық ауылдық округінде бақша дақылдары егілетін болды.