+7 (701) 759 90 19
USD 377.29 EUR 418.41
RUB 6.09 CNY 54.66
Jańalyqtar

Түркістанда «Сәлем саған, Түркістан» өнер фестивалі өтті

2019 жылғы 9 желтоқсан 22:12
Бөлісіңіз:
Түркістанда «Сәлем саған, Түркістан» өнер фестивалі өтті

ТҮРКІСТАН. ҚазАқпарат - Түркістан облысы әкімдігінің қолдауымен, облыстың имиджі мен туристік әлеуетін арттыру, өнерлі жастарға қолдау көрсету мақсатында және ҚР Тәуелсіздік күніне арналған «Сәлем саған, Түркістан» өнер фестивалі ұйымдастырылды, деп хабарлайды өңір басшысының баспасөз қызметі.

Ұқсас жаңалықтар
Ақтоты Райымқұлова: Жаңа қоғам мен жаңа адамды қалыптастыру идеясы да Абайдан басталады Елордадағы барлық ескерткіш күрделі жөндеуден өтеді Елордада Тәшеновке, Қожановқа, Бигелдиновке, Алтынсаринға ескерткіш орнатылады

400-ге жуық үміткер додаға түскен ауқымды шараны 2 мыңнан астам көрермен тамашалады.

Фестивальдің қорытынды шарасына Түркістан облысы әкімінің орынбасары Сәкен Қалқаманов қатысып, Гран-при иегерлерін марапаттады. Шара аясында классикалық ән орындаушылар, балаларға арналған би, суретшілер мен фото суретшілердің «Түрленген - Түркістан» байқау-көрмесі, «Open Turkistan» танымдық бейнероликтер, «Turkistan fashion» киім дизайнерлерінің байқауы өтті.

Қазылар алқасының шешімімен «Сәлем саған, Түркістан» өнер фестивалі аясында өткізілген балаларға арналған би байқауының бас жүлдесі Түркістан қаласындағы «Шабыт» және Төлеби ауданыннан келген «Көркем» би ұжымдарына табысталды. Бәйдібек ауданынан келген «Асылым», Жетісай ауданынан келген «Шаттық» би ұжымдары жүлделі 1-орыннан көрінді. Ал кентаулық «Шығыс ырғақтары» және сарыағаштық «Еркетай» би ұжымдары 2-орынды еншілесе, «№1 Сайрам балалар саз мектебі» мен қазығұрттық «Балауса», шардаралық «Ақмаржан» би ұжымдары 3-орынды қанағат тұтты.

Ал, «Түрленген – Түркістан» суретшілер мен фото суретшілердің көрме байқауының кескіндеме номинациясы бойынша бас жүлдесі Нұр-Сұлтан қаласынан келген Сейсенхан Махамбетке табыс етілді. Шымкенттік Арман Омаров 1-орынды, шымқалалық Серікбай Жорабеков пен Сейітбек Мәжібаев 2-орынды, Шымкенттен келген Бейбіт Бертаев пен түркістандық Мұрат Шаханбаев және шымкенттік Омар Бабажановтар жүлделі 3-орынды қанжығаларына байлады.

Фотосуретшілер сайысында шымкенттік Сүндет Жанаділов бас жүлдеге, Мақсат Шағырбаев жүлделі 1-орынға, Бейбіт Бертаев пен Салауат Жәнібекұлы 2-орынға, оралдық Мейірбек Ташкуранов пен шымқалалық Дәулетияр Балтабаев, нұрсұлтандық Шүкір Шахай жүлделі 3-орын иегері атанды.

«Open Turkistan» бейнероликтер сайысында шымкенттік Еркін Марғұлан бас жүлдеге қол жеткізді. Айдана Көшен 1-орын, Алихан Конкин 2-орын, Әбдінаби Данияр 3-орынды қанжығаларына байлады.

Бұдан бөлек, 7-12 жас аралығында классикалық ән орындаушылар сайысының бас жүлдесіне Төлеби ауданының өнерпазы Ғаламат Халық лайық деп танылды. Сарыағаштық Айша Уалихан 1-орын, түркістандық Базарбай Ізбасар 2-орын, арыстық Арман Абдрахман 3-орын иегерлері атанды. Ал, 13-17 жас аралығында төлебилік Ақбота Мұратқа тең келер ешкім болған жоқ. Шымкент қаласының өнерпазы Асқар Рысбек 1-орын, жетісайлық Бекасыл Сыйқымбай 2-орынды иеленсе, түлкібастық Диана Ерсерікқызы жүлделі 3-орыннан табылды.

Сонымен қатар, «Turkistan fashion» ұлттық киім дизайнерлерінің байқауының бас жүлдесі Несібелі Есқараеваға, 1-орын Іңкәр Мұхтарға, 2-орын Гаухар Қапақоваға, 3-орын Салтанат Омароваларға бұйырды.

Айта кетейік, алдын-ала басқармамен бекітілген байқау қағидаларына сәйкес, «Open Turkistan» бейнероликтер байқауына 93 бейнеролик келіп түссе, «Turkistan fashion» ұлттық киім дизайнерлерінің байқауына 50-ге жуық еңбек ұсынылып, финалға 10 дизайнердің жұмысы таңдалып алынды.

Би байқауына барлық аудан, қалалардан 15 би ұжымы қатысуға өтінім берсе, балалар мен жасөспірімдер арасындағы классикалық ән орындаушылар байқауына алдын ала жүргізілген іріктеу кезеңі арқылы 25 үміткер соңғы кезеңге жолдама алса, «Түрленген – Түркістан» суретшілер мен фото суретшілердің байқау-көрмесіне 33 кескіндемеші мен 17 фотосуретші өз жұмыстарын ұсынды.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT