Қолданушы баптаулары
Қолданушы баптаулары
+7 (701) 759 90 19 Лента
USD 379.36 EUR 424.47
RUB 5.88 CNY 54.95
Jańalyqtar

Түркістанда өзбек фильмдерінің күндері өтті

2019 жылғы 11 қаңтар 20:10 779
Бөлісіңіз:
Түркістанда өзбек фильмдерінің күндері өтті

ТҮРКІСТАН. ҚазАқпарат - Бүгін Түркістанда өзбек фильмдерінің күндері өтті. Шара аясында бірнеше фильм көрермен назарына ұсынылды, деп хабарлайды ҚазАқпарат тілшісі.

Ұқсас жаңалықтар
Алматы облысында инвесторлар Абай Құнанбаевқа ескерткіш орнатты Министр «Біздің сүйікті дәрігер» фильмінің жалғасын түсіруді тапсырды

Жиында Түркістан облысы әкімінің орынбасары Мәлік Отарбаев құттықтау сөз сөйлеп, осындай іс-шаралар арқылы бауырлас елдердің рухани-мәдени байланыстары нығая түсетінін жеткізді. Сонымен бірге, Өзбекстан Республикасының Қазақстан Республикасындағы Бас консулдығының Бас консулы Абрар Фатхуллаев пен Қазақстан өзбектері «Дустлик» қауымдастығының төрағасы Икрам Хашимжанов та Түркістанның түрленіп келе жатқанына қуанышты екендерін атап өтті.
Түркістанда өзбек фильмдерінің күндері өтті 

Өзбекстандық режиссерлер көрсетілім барысында Шыңғыс Айтматовтың қиссасы аясында түсірілген «Сарвкомат Дилбарим» көркем фильмін жұртшылық назарына ұсынды. Сондай-ақ, қазақтың ұлы ақыны Абайдың балалық шағы, қоршаған ортасы, шығармашылығы жөнінде мұрағат құжаттарымен өрілген «Слово Абая» деректі фильмі де түркістандықтарға көрсетілді. Бұл туындының режиссері - Шухрат Махмудов. «O'zbekfilm» киностудиясы түсірген «Ойкиз» ертегісі де көрермендердің оң бағасын алды.
Түркістанда өзбек фильмдерінің күндері өтті 

Айта кетейік, өткен 2018 жыл Қазақстанда Өзбекстан жылы деп аталып өткені белгілі. Осы бастамалар аясында бауырлас халықтардың жақындастығын тереңдетуге септігін тигізетін түрлі іс-шаралар ұйымдастырылған болатын. Соның жалғасы ретінде Түркістанда ұйымдастырылған мәдени басқосуға көрермендер қызығушылығы жоғары болды.

 

 

Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
MURAǴAT