+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Түркістанда музей қызметкерлеріне арналған курс басталды

2019 жылғы 28 тамыз 06:50
Бөлісіңіз:
Түркістанда музей қызметкерлеріне арналған курс басталды

ТҮРКІСТАН. ҚазАқпарат - Мәдениет және спорт министрлігінің ұйымдастыруымен «Әзірет Сұлтан» мемлекеттік тарихи-мәдени қорық-музейінің базасында музей қызметкерлерінің біліктілігін арттыру курсы өз жұмысын бастады, деп хабарлайды ҚазАқпарат ведомствоның баспасөз қызметіне сілтеме жасап.

Ұқсас жаңалықтар
Кентауда «Қарашық» тарихи-этнографиялық музейі ашылды Түркістандағы музейде «Сыйға берілген жәдігерлер» атты  көрме ашылды Қазақстанда ICOM аясындағы жұмыстар жаңғыртылады

Қазақстанның тарихи және мәдени туристік әлеуетін халықаралық деңгейде таныту және туризмді дамытудағы ілкімді қадамдарға қажетті біліктілікті шыңдау бағытында қолға алынған басқосуды «Әзірет Сұлтан» мемлекеттік тарихи-мәдени қорық-музейінің директоры Нұрболат Ахметжанов ашып беріп, дәріс жүргізуші мамандарды таныстырды. Сондай-ақ, туристермен жұмыс жасауда заман ағымына сәйкес біліктілік пен тәжірибені шыңдай отырып, шетелдік методиканы да меңгеру, жан-жақтылықты қалыптастыру - музей үшін ең басты міндет екенін айтқан қорық-музей басшысы семинар қатысушыларына сәттілік тіледі.


Жаһандану заманында қорық-музей қызметкерлерінің жоғары деңгейдегі қызмет тиімділігін арттыру мақсатында ұйымдастырылған дәріске Мәдениет және спорт министрлігіне қарасты «Әзірет Сұлтан» мемлекеттік тарихи-мәдени музей-қорығы», «Ежелгі Тараз ескерткіштері» мемлекеттік тарихи-мәдени музей-қорығы», «Есік» мемлекеттік тарихи-мәдени музей-қорығы», «Ордабасы» ұлттық тарихи-мәдени қорығы» және «Отырар» мемлекеттік археологиялық музей-қорығынан 30 экскурсия жүргізушілері қатысуда.

Бес күнге арналған курста қорық-музейлерге қарасты тарих және мәдениет ескерткіштері мен музей залдарының экспозицияларын жұртшылыққа ұсыну, таныстыруды тартымды және сапалы жүргізу, жан-жақты біліктілік, кәсіби этика сынды тақырыптар терең түсіндіріліп, пікір алмасу және шеберлік дәрістері өтеді. Сондай-ақ, ішкі және сыртқы туризм саласын дамытудағы экскурциялық қызмет көрсетудің маңызы мен заманауи әдістемелері де курстың басты тақырыбы ретінде қарастырылған.

Айта кетсек, 27-31 тамыз аралығында Түркістан қаласында өтетін біліктілік курсында «Арман-тур» халықаралық туристік агенттігінің, аудармашылар және гидтер мектебінің директоры, Жібек жолының ресми экскурсоводы, ұлттық жаттықтырушы - Абжанова Салтанат Агзамқызы, Бейбітшілік және Келісім Сарайының экскурсия бөлімінің басшысы, тәжірибелі экскурсовод Мұқышбаева Ардақ Кеңесқалиқызы дәріс жүргізеді.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT