+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Түркістанда МӘМС аясында көрсетілген қызметтерге 16 млрд теңге төленді

2020 жылғы 26 қазан 06:45
Бөлісіңіз:
Түркістанда МӘМС аясында көрсетілген қызметтерге 16 млрд теңге төленді

ТҮРКІСТАН. ҚазАқпарат – Түркістан облысындағы медициналық ұйымдарда Міндетті әлеуметтік медициналық сақтандыру (МӘМС) пакетінде көрсетілген қызметтерге 16,9 млрд теңге төленді. Бұл жөнінде «Әлеуметтік медициналық сақтандыру қоры» КЕАҚ Түркістан облысы бойынша филиалынан мәлім етті, деп хабарлайды ҚазАқпарат тілшісі.

Сала мамандарының айтуынша, облыс бойынша жұмыс берушілер тарапынан 4,3 млрд теңге төленген. Ал, жеке кәсіпкерлер тарапынан 2,4 млрд теңге, 260 млн теңге БЖТ бөлінген.

«Қазіргі уақытта елімізде емханаларға тіркелу науқаны жүріп жатыр. Науқан барысында медициналық ұйымдарда тіркелген тұрғындарға байланысты келесі жылға қаржыландыру жоспарланатын болады. Осыған орай, Қор үшін әрбір тұрғынның емханаға тіркелгені жөн. Өйткені Қор әрбір тіркелген тұрғын үшін ай сайын медициналық ұйымдарға көрсетілген қызметке байланысты қаржы бөлетін болады», - дейді Қордың Түркістан облысындағы филиал директоры Асхат Бейсенбаев.

Филиал директорының сөзінше, шығындардың басым бөлігі стационарлық медициналық көмек төлемі – 4,9 млрд теңгеден астам және ауылдағы стационарлар қызметі үшін- 3,5 млрд теңгені құраған. Ал, 8 айда жоспарлы түрде стационарларда 72 мыңнан астам қызмет көрсетілген. Консультациялық-диагностикалық көмек көрсеткені үшін медициналық ұйымдарға 5,9 млрд теңге төленген. Айта кету керек, КТ және МРТ қызметтеріне пациенттер тарапынан сұраныс артқан. Күні бүгінге дейін пациенттерге КТ және МРТ 1 640-тан астам қызмет көрсетілген.

«Қор филиалы халыққа жоғары технологиялық қызмет көрсеткені үшін 38 млн теңгеден астам қаржы төледі. Аталмыш қызметтерді 19 адам алды. Сонымен қатар, стационарды алмастыратын көмекке 748 млн теңге төленді. Мұнан бөлек, 103 мыңнан астам көрсетілген стоматологиялық қызмет үшін 300,4 млн теңге төленді. Инфаркт, инсульттан соң, 4494 мыңға жуық пациентке медициналық оңалту шаралары көрсетілді», - дейді Асхат Бейсенбаев.


Біздің каналымызға жазылыңыз:

Бөлісіңіз:

Автор:

Айнұр Ақбаева

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT