+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Түркістанда инвесторлардың құқықтарын қорғау бойынша жұмыстар жүруде

2019 жылғы 10 қазан 14:57
Бөлісіңіз:
Түркістанда инвесторлардың құқықтарын қорғау бойынша жұмыстар жүруде

ТҮРКІСТАН. ҚазАқпарат – Түркістан облысында инвесторлардың құқығын қорғау бағытында жүйелі жұмыстар жүргізілуде, деп хабарлайды ҚазАқпарат тілшісі.

Ұқсас жаңалықтар
Италия Қазақстан экономикасына қанша инвестиция салды Өскеменде инвестициялық форум өтеді «Аshyq alań»: Шетелден маман тартудың талабы қандай

Қазіргі таңда бизнесті қорғау, қолайлы инвестициялық жағдай жасау және кәсіпкерлер үшін сыбайлас жемқорлық деректері бойынша қысымдарды төмендетуді облыстық Cыбайлас жемқорлыққа қарсы іс-қимыл департаменті жүзеге асыруда.

Бүгінде ҚР Cыбайлас жемқорлыққа қарсы іс-қимыл агенттігі мен Сыртқы істер министрлігі, сондай-ақ Инвестициялар және даму министрліктері арасындағы ынтымақтастық туралы меморандум аясында ел экономикасына инвестициялардың келуін жеңілдету, бюрократия тәртіптерін және сыбайлас жемқорлық деректерін болдырмау мақсатында «Protecting Business and Investments» жобасын жүзеге асыруда.

Аталған жобаға қатысуға ниет білдірген кәсіпорындар қатарында Түркістан облысында орналасқан «Golden Camel» ЖШС де бар. Бірнеше ай бұрын құрғақ түйе сүт өнімдерін өңдейтін зауытқа белгісіз тұлғалар Түркістан облысы Экология департаментінен тексеру тағайындалғанын айтып, тексеріс жұмыстарын жүргізбек болған. Алайда, өрескел құқық бұзушылықтармен тағайындалған тексеріске күдіктенген серіктестік басшылығы келісімшартқа отырған «Protecting Business and Investments» жобалық кеңсесімен байланысып, жедел тексеру тағайындаған мемлекеттік органға хабарласқан. Нәтижесінде ақпараттық талдау жұмыстары жүргізіліп, аталған тексеру Департамент тарапынан тағайындалмағаны және тексеру жұмысын жүргізуге келген азаматтар алаяқтар екені анықталды.

Осындай оқиға өңірдегі «Джон Бан Металл Пром» ЖШС-інде де орын алған. Бұл мекеме жұмысына Көші-қон полиция тарапынан тексеріс жұмыстары жүргізілгендігі және заңды түрде Республика аумағында жүрген шетел азаматтарының құжаттарын алып кеткені туралы ақпарат келген. Аталған ақпаратты серіктестік қызметкерлері жобалық кеңсеге жеткізіп, тез арада заңсыз алынған құжаттар иелеріне қайтарылды. Бүгінде жобалық кеңсе қызметкерлері құқық және заң бұзушылықтарға жол бермеу мақсатында облыстағы барлық бизнес субъектілерін біріге жұмыс істеуге шақырып отыр.

Айта кетейік, аталған жоба бойынша келісім шартқа қол қойған кәсіпкерлерге Қазақстан аумағында аптасына 7 күн, тәулігіне 24 сағат сыбайлас жемқорлық деректерінен 100 % қорғауға кепілдік береді. Жалпы Түркістан облысы құрылған сәттен бастап, 405 млрд теңге болатын 15 ірі инвестормен келісім шартқа қол қойылған.

Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT