+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Түркістанда балалар ауылының тәрбиеленушілері футбол турниріне қатысты

2019 жылғы 14 қазан 04:46
Бөлісіңіз:
Түркістанда балалар ауылының тәрбиеленушілері футбол турниріне қатысты

ТҮРКІСТАН. ҚазАқпарат – Түркістан облысында «Мейірімділік нұры» акциясы аясында шағын футболдан ашық турнир өткізілді, деп хабарлайды ҚазАқпарат тілшісі.

«Түркістан облысының Сыбайлас жемқорлыққа қарсы құқық қорғау органдары ардагерлерлерінің кеңесі» қоғамдық бірлестігінің ұсынысымен өткен доп додасы ересектер мен жасөспірімдер арасында салауатты өмір салтын қалыптастыру және балалардың өмірге деген ынта-жігерін арттырып, қоғаммен етене араласуға ықпал ету мақсатында ұйымдастырылды. Спорттық шараға жалпы саны 6 құрама команда қатысты.

Олардың қатарында «Т.Тәжібаев атындағы отбасы үлгісіндегі балалар ауылының» тәрбиеленушілері мен Сайрам ауданында орналасқан №68 С.Датұлы және №24 М.Махажанов атындағы жалпы орта мектебінің жоғары сынып оқушылары, ҚР Сыбайлас жемқорлыққа қарсы іс-қимыл агенттігінің Түркістан облысы және Шымкент қаласы бойынша Департаменттерінің қызметкерлері мен құқық қорғау органдарының ардагерлері бар.

Жарыс барысында өзара бақ сынасқан қарсылас командалар есептерінің ұпайын еселетуге тырысты. Нәтижесінде жасыл алаңда жүйріктік танытқан қос команда финалда сынға түсіп, басты кубокты сарапқа салды.

Озық ойын өрнегін көрсеткен Сайрам ауданындағы С.Датұлы атындағы жалпы орта мектебінің оқушылары жоғары есептік көрсеткішке ие болып, турнир жеңімпазы атанды. Сондай-ақ, ҚР Сыбайлас жемқорлыққа қарсы іс-қимыл агенттігінің Түркістан облысы бойынша департаментінің қызметкерлері екінші орынды еншілесе, үздік үштікті Арыс қаласындағы балалар ауылының тәрбиеленушілері иеленді. Департамент қызметкерлері алдағы уақытта да «Мейірімділік нұры» акциясы аясында балалар ауылының тәрбиеленушілеріне өңірдің тарихи орталықтары мен ойын-сауық орталықтарына экскурциялық кездесулер ұйымдастырып, оларды шаттық шуағына кенелтуге өз үлестерін қоспақ.

Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT