+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Түркістан облысының МӘМС мамандары екі ауданда түсіндіру жұмыстарын жүргізді

2019 жылғы 18 қазан 11:33
Бөлісіңіз:
Түркістан облысының МӘМС мамандары екі ауданда түсіндіру жұмыстарын жүргізді

ТҮРКІСТАН. ҚазАқпарат – МӘМС мамандары Түркістан облысындағы Қазығұрт және Төле би аудандарында халықпен кездесіп, түсіндіру жұмыстарын жүргізді, деп хабарлайды ҚазАқпарат тілшісі.

Ұқсас жаңалықтар
Зәуреш Аманжолова: 2020 жылы отандық денсаулық сақтау саласында жаңа дәуір басталады Алматылық медицина ұйымдарына 80,2 млрд теңге төленді Медициналық сақтандыру қоры ақпараттық жүйесін сынақтан өткізіп жатыр

Облыстық Қоғамдық денсаулық басқармасының басшысы Мұқан Егізбаев пен «Әлеуметтік медициналық сақтандыру қоры» КЕАҚ Түркістан облысы бойынша филиалының директоры Асхат Бейсенбаев бастаған топ медициналық сақтандыру жүйесі мен тегін медициналық көмек туралы айтып өтті.

Жиында Мұқан Егізбаев аталған жүйе жүзеге асқан соң, медициналық қызметтердің сапасы айтарлықтай жақсаратынын жеткізді. Яғни, медициналық мекемелердің арасында бәсекелестік артып, әр адам өзіне ұнаған дәрігерді немесе емхананы таңдау мүмкіндігіне ие болады. Бағасы қымбат болып келетін оталар мен сирек кездесетін медициналық қызмет түрлері, салалық мамандардың қабылдауы сынды медициналық қызметтерді сақтандырылған азаматтар ғана пайдалана алады.

«МӘМС пакетіне табысы орташа азаматтардың қалтасы көтере бермейтін: МРТ, компьютерлік томография, ПТР (полимераздық-тізбекті реакция)-анализ сынды қызметтер де енгізілді. Сондай-ақ, кепілдендірілген тегін көмек пакетіне енбеген сырқаттарға шалдыққан жағдайда стационарды алмастыратын көмек пен жоспарлы стационарлық көмектер осы пакет шеңберінде көрсетіледі.


Айта кетерлігі, еліміздегі кенжелеп қалған медициналық оңалту, қалпына келтіру көмектері жоғары тарифтермен кең ауқымда көрсетіледі», - деді облыстық Қоғамдық денсаулық басқармасының басшысы.

Сала басшылары 2020 жылдың 1 қаңтарынан бастап барлық қызметкерлер әлеуметтік медициналық сақтандырудың толыққанды қатысушылары бола отырып, сапалы және қолжетімді медициналық көмекпен қамтамасыз етілетінін айтады.

«Жұмысқа ресми түрде орналаспаған, жеке кәсіпкер ретінде тіркелмеген, азаматтық-құқықтық сипаттағы келісімшарт бойынша қызмет көрсетпейтін азаматтар дербес төлем жасаушылар санатына жатады. Сондықтан МӘМС жүйесіне қатысу үшін олар бірыңғай жиынтық төлем (БЖТ) жасауы қажет», – деді Асхат Бейсенбаев.

Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT