+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Түркістан облысының кеден бекеттерінде 64 млн теңгенің заңсыз тауарлары тәркіленді

2020 жылғы 27 мамыр 14:52
Бөлісіңіз:
Түркістан облысының кеден бекеттерінде 64 млн теңгенің заңсыз тауарлары тәркіленді

ТҮРКІСТАН. ҚазАқпарат – Түркістан облысының кеден бекеттерінде соңғы бір айда 64 миллион теңгенің заңсыз тауары тәркіленген. Бұл туралы Түркістан облысы бойынша Мемлекеттік кірістер департаментінен мәлім етті, деп хабарлайды ҚазАқпарат тілшісі.

Аталған фактілер бойынша «Экономикалық контрабанда» бабымен бірнеше қылмыстық іс қозғалған.

Департамент қызметкерлері кезекті тексеру кезінде «Сарыағаш» стансасында теміржол вагонынан жеңіл автокөліктерге арналған 954 дана шинаны анықтаған. Олардың жалпы құны - 34 млн теңгеден астам. Ал тауардың кедендік құжаттары болмай шыққан.

Сондай-ақ ведомство қызметкерлері 30 млн теңгенің тауарын алып өту әрекетінің жолын кескен. Департамент қызметкерлері Қытайдан келген вагоннан салмағы 12,5 тонна декларацияланбаған халықтық тұтыну тауарын тапқан. Шетелдік кәсіпкерлер кедендік шекара арқылы құжаттарын рәсімдемей, тауарларын заңсыз алып өтпек болған. Жүктердің арасында автокөліктерге арналған 40 шина мен 220 дана электронды сорғы, 40 резеңке камера мен тігін машиналарына арналған 36 дана электронды моторлар бар. Сондай-ақ 10 975 дана жарықтандырғыш құрылғы мен 47 400 дана тоқыма бұйымдар болған.

«Барлық деректер бойынша жиналған материалдар қылмыстық іс қозғау үшін Түркістан облысының Экономикалық тергеу департаментіне өткізілді», - делінген ақпаратта.


Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT