Түркістан облысының дәрігерлері індеттің екінші толқынына дайын – Сәкен Қалқаманов

НҰР-СҰЛТАН. ҚазАқпарат – Түркістан облысында дәріханаларда дәрі тапшылығы мәселесі шешілді. Бұл туралы AntikorLive бағдарламасында Түркістан облысы әкімінің орынбасары Сәкен Қалқаманов айтты, деп хабарлайды ҚазАқпарат тілшісі.

«Түркістан облысындағы дәрігерлер, ауруханалар коронавирус індетінің екінші толқынына дайын. Бұрын бізде тест алынатын 1 ғана зертхана болса, қазіргі уақытта зертхана саны 14-ке жетті. Сондай-ақ, дәріханаларда дәрі тапшылығы мәселелері шешілді. Ауруханаларда барлық қорғаныс құралдары мен медициналық бұйымдар жеткілікті», - дейді Сәкен Қалқаманов.