+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Түркістан облысында жаңадан құрылған ауданның әкімі жастармен кездесті

2019 жылғы 14 қаңтар 23:15
Бөлісіңіз:
Түркістан облысында жаңадан құрылған ауданның әкімі жастармен кездесті

ТҮРКІСТАН. ҚазАқпарат - Түркістан облысында жаңадан құрылған Келес ауданының әкімі Ақментай Үсенұлы жастармен кездесті. Абай ауылында орналасқан №13 колледжге барған аудан басшысы оқу орнының тыныс-тіршілігімен танысып, жатақханада болды, деп хабарлайды ҚазАқпарат тілшісі.

Елбасы Н. Назарбаевтың ағымдағы жылды «Жастар жылы» деп атауы ауыл жастарына да серпін беріп отыр. Осы ретте, Келес ауданының әкімі Ақментай Үсенұлы жергілікті жастарға барынша қолдау көрсету мақсатында, олармен бірнеше кездесу өткізіп те үлгерді. Орта арнаулы оқу орнында аудан басшысы белсенді жастармен ашық сұхбат алаңын құрды. Олардың көкейінде жүрген сұрақтарына жауап беріп, қоғамдағы өзекті мәселелерді бірге талқылады. Студенттердің пікірін біліп, ұсыныстарын тыңдады. Алдағы уақытта қоғамның белсенді жастары болуға шақырды.


Айта кетейік, 400 жасқа арналған аталған аудандағы жалғыз колледжде студенттерге барлық жағдай жасалған. Оқу орнындағы жатақханада жылы су, алғашқы медициналық көмек көрсететін орын және жастардың бос уақытта жиналатын демалыс бөлмелері бар. Сондай-ақ колледжде спорт залы, асхана, мәдениет залы мен кітапхана ашылған. Бұдан өзге, студенттердің қолымен жасалған құрал-жабдықтар, киім-кешектер мен техникалық заттар қойылған арнайы көрме тұрақты жұмыс істейді.

Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Үмбет Шолпан
Үмбет Шолпан
954-059

MURAǴAT