+7 (701) 759 90 19
USD 423.95 EUR 495.81
RUB 5.84 CNY 65.6
Jańalyqtar

Түркістан облысында жаңа оқу жылында 70 мыңға жуық бала бірінші сыныпқа барады

2021 жылғы 3 тамыз 11:53
Бөлісіңіз:
Түркістан облысында жаңа оқу жылында 70 мыңға жуық бала бірінші сыныпқа барады

ТҮРКІСТАН. ҚазАқпарат - Түркістан облысында эпидемиологиялық ахуал тұрақты болса, жаңа оқу жылы офлайн форматта өткізілуі мүмкін. Бұл туралы бүгін Өңірлік коммуникациялар қызметінде өткен брифингіде облыстық адами әлеуетті дамыту басқармасының басшысы Рақымбек Жолаев мәлім етті, деп хабарлайды ҚазАқпарат.

Ұқсас жаңалықтар
Түркістан облысының құрылғанына үш  жылдан асты Түркістан облысында 2 мыңнан астам оқушы карантинге жіберілді Түркістан облысында жол-көлік апатынан үш адам қаза тапты

Оның айтуынша, жаңа оқу жылында балалар арасында індеттің таралуын болдырмау үшін алдын алу шаралары қатаң қадағалауға алынған.

«Бүгінде облыс мектептерінде 61 515 мұғалім жұмыс істейді, оның 58 820-сы вакцина қабылдаған. Ал, білім ұяларында жұмыс істейтін 23 932 техникалық маманның 18 753-і екпе салдырды. Жаңа оқу жылы басталғанға дейін мектепте жұмыс істейтін барлық мамандар 100 пайыз індетке қарсы екпе салдырады. Мұның барлығы балаларымыздың қауіпсіздігі үшін қолға алынып жатқан шаралар», – деді Рақымбек Жолаев.

Сондай-ақ, басқарма басшысы өңірдегі мектептердің жаңа оқу жылына байланысты техникалық базаның дайындығы жөнінде де баяндады.

«Облыста 6 жасқа дейінгі балаларды балабақшамен қамту деңгейі 97,8 пайызға жеткен. Биыл бұл көрсеткішті 100 пайызға жеткізу үшін қосымша 4 000 орын ашылады деп отыр. Сондай-ақ, жаңа оқу жылында 69 939 бала бірінші сынып табалдырығын аттайды деген болжам бар. Қабылдау жұмыстары толық автоматтандырылған. Бүгінгі таңда 47 266 өтініш қабылданды, бұл 78 пайызды құрап отыр», – деді Р.Жолаев.

Сонымен қатар, басқарма басшысы алдағы оқу жылында 1,3,7,8 сыныптарға бірқатар оқулық пен 3,6,8 сыныптар үшін зерде бұзылыстары бар оқушыларға арналған оқулықтарды сатып алуға тапсырыс берілгенін жеткізді.

Биыл қажеттілікке байланысты облыста 78 мектеп салынып жатыр. Биыл соның 44-ті пайдалануға берілуі тиіс. Ал, 2025 жылға дейін қосымша 130 жаңа мектеп салу жоспарланып отыр.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанат Қапалбаева
Жанат Қапалбаева
954-059

MURAǴAT