+7 (701) 759 90 19
USD 387.16 EUR 428.47
RUB 6.08 CNY 55.13
Jańalyqtar

Түркістан облысында ветеринариялық ахуал тұрақты - әкімдік

2019 жылғы 5 қазан 08:40
Бөлісіңіз:
Түркістан облысында ветеринариялық ахуал тұрақты - әкімдік

ТҮРКІСТАН. ҚазАқпарат - Түркістан облысында жануарлардың аса қауіпті 14 ауруына қарсы 28 млн 555 мың доза вакцина егілді. Бүгінгі таңда өңірдегі ветеринариялық ахуал қатаң бақылауда, деп хабарлайды ҚазАқпарат өңірлік коммуникациялар қызметіне сілтеме жасап.

Ұқсас жаңалықтар
СҚО-да жыл басынан 647 ірі қара малдан бруцеллез ауруы табылып, көзі жойылды Өскеменнің атты полиция взводы жоғалған малды иесіне қайтарды Бәйдібек ауданында батыр ана асыл тұқымды мал өсіруде

Бұл туралы бүгін өңірлік коммуникациялар қызметінде өткен брифингте ауыл шаруашылығы басқармасының басшысы Нұрбек Бадырақов мәлімдеді.

Энзоотиялық аурулардың алдын алу бойынша көктем, күз айларында 2 млн 518,6 мың бас ірі мал бүркілсе, 8 млн 147,6 мың бас ұсақ мал тоғытылған. Сондай-ақ, үй іргелік қора жайлар мен жапсарлас аумақтары мен буферлік аумақтар залалсыздандырылып отыр.

«Аусыл ауруына қарсы вакцина 1 млн 384,4 мың бас ірі қара малға, 6 млн 86,4 мың бас ұсақ малға егіліп, 2002 жылдан бері аусыл ауруы тіркелмеген. Ал 1 млн 201,6 мың бас ірі қара малға, 5 млн 456,6 мың бас ұсақ малға, 302,9 мың бас жылқыға, 25,2 мың бас түйеге түйнеме ауруына қарсы екпе жасалды. Облыс аумағында 2003 жылдан бері жануарлар арасында түйнеме ауруы тіркелмеді», - деді Нұрбек Бақтыбайұлы.

Сонымен қатар, сарып ауруына қарсы жануарлар арасында диагностикалық зерттеулер жалпы 3 млн 377,7 мың бас малға жүргізілді. Нәтижесінде 389 бас ірі қара мал, 532 бас ұсақ мал арнайы орында сойылып, залалсыздандырылды. Мал иелеріне жалпы 100 млн 570,2 мың теңге өтемақы төленді.

Сарып ауруымен адамдар арасында аурушаңдық 37 адамға кемісе, адамдарды кене шағу 333 адамға азайған.

Облыста мал өлексесін тастайтын 257 орын бар. Сонымен қатар, 14 инсинератор пеші бар.

Бұдан өзге, құтыру ауруына қарсы 187,5 мың итке, 32,8 мың мысыққа вакцина егілген. Құтыру ауруының алдын алу мақсатында бүгінгі таңда 55 362 қаңғыбас ит-мысық ауланып, көзі жойылған.

Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT