+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Түркістан облысында ұйымдасқан қылмыстық топ қолға түсті

2020 жылғы 4 маусым 14:19
Бөлісіңіз:
Түркістан облысында ұйымдасқан қылмыстық топ қолға түсті

ТҮРКІСТАН. ҚазАқпарат – Түркістан облысының Криминалдық полиция қызметкерлері 10 адамнан тұратын қылмыстық топты қолға түсірді. Браконьерлікке қатысы бар деген күдікпен ұсталғандардың келтірілген материалдық шығынның жалпы көлемі 8 млн астам теңгені құраған, деп хабарлайды ҚазАқпарат тілшісі.

Облыстық ПД бастығының орынбасары Құрманбек Саховтың айтуынша, қылмыстық топ бірнеше жылдар бойы Шардара су қоймасынан заңсыз балық аулап жүрген. Жедел уәкілдер күдіктілерді ұстау үшін екі ай бойы дәлелдемелер жинақтап, нәтижесінде оларды қолға түсірген. 10 адамнан тұратын қылмыстық топтың ішінде 3 әйел болған. Олардың барлығы Түркістан облысы мен Шымкент қаласының 20-дан 53 жасқа дейінгі тұрғындары екені анықталды. Айғақты зат ретінде балық аулайтын электр құрал-жабдықтары мен желілер, металл ілмектер мен 13 моторлы және резеңке қайықтар, 12 калибрлі оқтар тәркіленген. Сондай-ақ, 1,5 тоннадан астам балық пен 425 килограмм ысталған балық алынған.

«Күдікті ретінде 3 адам қамауға алынып, 7 адам «ешқайда кетпеу туралы қолхатпен» жіберілген. Қылмыстық топтың қатысушылар өздеріне белгіленген әрекеттерді жасаған. Балықшылар заңсыз балық аулап, сатып алушыларға өткізген. Өз кезегінде олар балықтарды Шымкент қаласының базарларында сатқан. Сондай-ақ, балық сатып алушылар балықшыларға материалдық көмек беріп отырған. Күдіктілердің арасында екі отбасы бар. Сотқа дейінгі тергеу амалдары жалғасуда»,-деді полиция подполковнигі.


Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059

MURAǴAT