Түркістан облысында салмақты асырып жіберген жүк көліктеріне айыппұл салынуда

ТҮРКІСТАН. ҚазАқпарат - Түркістан облысындағы облыстық маңызы бар жолдарда шамадан тыс жүк артқан және ауыр салмақты жүк көліктерінің қозғалысын шектеуге қатысты рейд шаралары басталды, деп хабарлайды ҚазАқпарат.

Шамадан тыс жүк артқан және ауыр салмақты жүк көліктерінің қозғалысын шектеуге қатысты рейд шаралары басталды, деп хабарлайды ҚазАқпарат.
Түркістан облысы әкімінің баспасөз қызметінің мәліметінше, шараның мақсаты - автомобиль жолдарының сапасы мен жол қауіпсіздігін сақтау болмақ.
Рейдке облыстық Полиция департаменті, көлік прокуратурасы, облыстық Мемлекеттік кірістер департаменті, Түркістан облысы бойынша Көліктік бақылау инпекциясы, облыстық Жолаушылар көлігі және автомобиль жолдары басқармасының қызметкерлері жұмылдырылды.
Қазығұрт ауданындағы біркүндік рейд нәтижесінде 5 хаттама толтырылып, заңды бұзған жүргізушілерге айыппұл салынды. Аталған рейдтік шара облыстық жолдарда жалғасатын болады.