USD 435.1 EUR 493.27
RUB 5.69 CNY 68.63
Jańalyqtar

Түркістан облысында республикалық ақындар айтысы өтті

2021 жылғы 7 желтоқсан 16:55
Бөлісіңіз:
Түркістан облысында республикалық ақындар айтысы өтті

САЙРАМ. ҚазАқпарат - Түркістан облысы, Сайрам ауданында «Мәңгілік ел жырлайды» республикалық ақындар айтысы өтті. Жыр додасы ел Тәуелсіздігінің 30 жылдығына орай ұйымдастырылды, деп хабарлайды ҚазАқпарат тілшісі.

Ұлттың ұлы тұлғалары – Жамбыл Жабаев, Әлихан Бөкейханов, күш атасы Қажымұқан, сондай-ақ Дина Нұрпейісова, Ыбырай Алтынсариннің мерейлі жылдарын жырға қосқан ақындар айтысты сағынған көрерменін бір серпілтті. Тәуелсіздіктің қадір-қасиетін ұлықтап, ел мерейін үстем етті.

Таңертеңнен басталған ретро айтыста 4 жұп өнер көрсетіп, аламанның қорытындысында бас жүлдені Түркістанның тарланы Бекарыс Шойбеков иеленді. Бірінші орын Серік Қалиевке бұйырса, екінші орынды Анар Жаппарқұлова жеңіп алды. Ал үшінші орынды Айбек Қалиев місе тұтты. Айтыстың арнайы жүлделері Кәрима Оралова, Ақмарал Леубаева, Маржан Есжанова, Бөрібай Оразымбетке берілді.

Қазылар алқасының төрағасы, жазушы, «Алаш» сыйлығының иегері Мархабат Байғұт жүрегінен жыр төгіп, халқын қуантқан ақындарға шынайы алғысын білдірді.


Біздің каналымызға жазылыңыз:

Бөлісіңіз:

Автор:

Айнұр Ақбаева

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT