Қолданушы баптаулары
Қолданушы баптаулары
+7 (701) 759 90 19 Лента
USD 369.01 EUR 416.39
RUB 5.53 CNY 53.18
Jańalyqtar

Түркістан облысында паркинсон дертіне қарсы алғашқы ортаазиялық конференция өтті

2018 жылғы 18 қыркүйек 05:30 626
Бөлісіңіз:
Түркістан облысында паркинсон дертіне қарсы алғашқы ортаазиялық конференция өтті

ТҮРКІСТАН. ҚазАқпарат - Түркістан облысында паркионсон дертіне қарсы  алғашқы ортаазиялық конференция  өтті, деп хабарлайды ҚазАқпарат тілшісі. 

Ұқсас жаңалықтар
Ақмолада қант диабетіне шалдыққандардың саны артты Қызылордада ангиографиялық зертхана құрылады

Жиынға отандық дәрігерлермен қатар  Испания, Англия, Түркия және Өзбекстан елдерінен келген медицина саласындағы білікті мамандар қатысып, өз тәжірибелерімен бөлісті.

Сондай-ақ олар Шымкенттегі медицина академиясының студенттерімен кездесіп, облыстық ауруханада аталмыш дертке шалдыққан азаматтарды қабылдады.

Статистикалық мәліметтерге сүйенсек, қазіргі таңда өңірде бұл аурудың орта есеппен таралуы 100 мыңға шаққанда 35 адамға жетіп отыр. Неврологтар дерттің бұл түрі неғұрлым ерте анықталса, оны емдеу де жеңіл болатынын айтады. Сауатты жасалған диагностика мен дұрыс тағайындалған ем науқастарды мүгедектіктен сақтап қалуға, олардың белсенді өмір сүруіне мүмкіндік береді деп отыр. 

«Бүгінгі таңда паркинсон ауруын ойдағыдай емдеуге болады. Оны жоғары деңгейде емдеуде ғалымдар жаңа тәсілдер ойлап табуда. Бұл дерттің 10 пайызға жуығы тұқым қуалайды. Дәл осы бағытта біз қазіргі таңда үлкен жұмыс атқарып жатырмыз. Егер дәрі-дәрмек дұрыс таңдалып, ем дер кезінде тағайындалса, аурудың бастапқы сатысында жақсы нәтиже береді. Ал, дәрі көмектеспейтін сырқаттарға нейрохирургиялық ем мен нейроңалту тәсілі қолданылады»,- дейді облыстың бас неврологы Нәзира Асанқызы.

Бүгінде қазақстандық дәрігерлер жоғары технологиялы нейрохирургиялық ота жасауды үйренді. Жергілікті дәрігерлердің біліктілігін арттыру мақсатында ұйымдастырылған конференцияда облыстық клиникалық аурухана мен Түркия мемлекетінің ғалымдары арасында ынтымақтастық меморандумға қол қойылды.

«Облыста шетел мамандарының көмегімен осы ауруды емдейтін диагностикалық орталық ашсақ деген ойымыз бар. Бұл бағытта отандық медицина емдеудің жаңа заманауи тәсілдерін ұсынып отыр»,- дейді облыстық Денсаулық сақтау басқармасының басшысы Мұқан Егізбаев.

 

 

Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT