+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Түркістан облысында параканоэден еліміздің ашық біріншілігі өтіп жатыр

2019 жылғы 12 маусым 18:29
Бөлісіңіз:

ТҮРКІСТАН. ҚазАқпарат - Түркістан облысындағы Бадам су қоймасында мүмкіндігі шектеулі жандар арасында ескек есуден Қазақстан Республикасының ашық кубогы өтуде. Биыл екінші рет ұйымдастырылған халықаралық бәсекеге елімізбен қатар Ресей, Өзбекстан, Тәжікстаннан келген спортшылар қатысып отыр, деп хабарлайды ҚазАқпарат тілшісі.

Дәстүрлі жарыстың салтанатты ашылу рәсіміне Канада елінен келген параканоэнің негізін қалаушы және әлем бойынша каноэ федерациясының президенті Джон Эдвадц арнайы қатысып, спортшыларға сәттілік тіледі. Мүмкіндігі шектеулі жандар арасында ұйымдастырылған жарысқа 4 мемлекеттен 70-ке жуық спортшы қатысып, мықтыларын анықтауда. 200 метр қашықтықта сынға түскен спортшылардың есімдері белгілі болды.

Тартысты өткен бәсекеде өзбекстандық Павел Сулейманов мәре сызығын бірінші болып кессе, жүлделі екінші орын Түркістан облысының намысын қорғаған Жалғас Тайкеновқа бұйырды. Ал, үшінші орынды өзбек елінің спортшысы Озодбек Хуваедуллаев иемденді. Жастар арасындағы 200 метр қашықтықта бақ сынаған қос түркістандық спортшылар жүлделі орындарды бөлісті. Жарыста Полад Туребеков жеңімпаз атанса, екінші орын Әділет Бақытұлына берілді.

Айта кетейік, жеңімпаз атанған спортшылар Мажарстанда өтетін әлем чемпионатында бақ сынайды.

Біздің каналымызға жазылыңыз:

Басты сөздер: Түркістан облысы, Спорт,
Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT