+7 (701) 759 90 19
USD 389.75 EUR 434.26
RUB 6.12 CNY 55.05
Jańalyqtar

Түркістан облысында мектеп бітірушілердің орташа балы 79,5-ті құрады

2019 жылғы 18 мамыр 03:11
Бөлісіңіз:
Түркістан облысында мектеп бітірушілердің орташа балы 79,5-ті құрады

ТҮРКІСТАН. ҚазАқпарат - Түркістан облысында 2018-2019 оқу жылында 24061 оқушы 11 сыныпты бітіреді.

ҚР Білім және ғылым министрлігі мектеп бітіруші түлектердің іс-шарасын 12 маусымда мектеп қабырғасында өткізуді ұсынып отыр.

Бұл туралы Өңірлік коммуникациялар қызметінде өткен брифингте облыстық білім басқармасы басшысының орынбасары Ардақ Садықова мәлімдеді.

Оның деректеріне қарағанда, ҚР Білім және ғылым министрлігімен бекітілген Ұлттық бірыңғай тестілеуді өткізу қағидаларына сәйкес, ҰБТ 2019 жылдың 20 маусым - 5 шілде аралығында өткізіледі.

Биыл Ұлттық бірыңғай тестілеудін ерекшеліктері 2019 жылдан бастап ҰБТ жылына 4 мезгіл өткізіледі: қаңтар, наурыз (ақылы), маусым (ақысыз), тамыз (ақылы). Қаңтар, наурыз, тамыз тестілеу нәтижесімен - бітіруші ақылы түрде оқуға түсу мүмкіндігін алады.

Маусымдағы тест - мемлекеттік грант негізінде тегін оқуға түсуге мүмкіндік береді. Жалпы ҰБТ тапсыру ережесінде өзгерістер жоқ. ҰБТ-ға құжаттар қабылдау ағымдағы жылғы 1 сәуірде басталған 10 мамырда аяқталады.

«Түркістан облысында 15 ҰБТ өткізу пункттері бар. Олардың 1-уі жоғары оқу орынының базасында, 2-уі колледждер базасында, 12-сі орта мектептердің базасында. 2019 жылдың қаңтар айында алғаш рет ақылы түрде 5206 бітіруші тест тапсырды, тест қорытындысы бойынша облыстың орта балы 58,3-ті құрады. Наурыз айында 14375 түлек ақылы тестке өтініш беріп, 14 208-і тестке қатысты. Орта бал - 79,5-ті құрады», - деді Ардақ Мәдіханқызы.

Сонымен қатар, 11-сынып бітірушілеріне мектептерге енгізілген «BILIMLEND» электронды платформасындағы «Іtest» жүйесінде ҰБТ-ға тегін дайындалуға және Ұлттық тестілеу орталығының сайтында ақылы түрде байқау тестін тапсыру мүмкіндігі қарастырылған.

Сонымен қатар, облыста «EDTECH-KZ» халықаралық білім орталығының «KASIP TEST» жеке тұлғаның кәсіби диагностикасының автоматтандырылған жүйесі арқылы мектеп бітірушілерге онлайн түрде кәсіби диагностикалау жүргізілді. Кәсіби диагностикаға 24183 11-сынып оқушыларының 21542-і қатысты.

Біздің каналымызға жазылыңыз:

Басты сөздер: Түркістан облысы, Білім, ҰБТ,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT