+7 (701) 759 90 19 Лента
USD 386.70 EUR 427.15
RUB 6.06 CNY 54.57
Jańalyqtar

Түркістан облысында мас күйде рульге отырған 500-ге жуық жүргізуші анықталды

2019 жылғы 9 тамыз 11:04
Бөлісіңіз:
Түркістан облысында мас күйде рульге отырған 500-ге жуық жүргізуші анықталды

ТҮРКІСТАН. ҚазАқпарат – Түркістан облысында полицейлер жол-көлік апаттарының алдын алу мен жолда жүру ережелерін өрескел бұзушыларды анықтау мақсатында тұрақты түрде рейдтік шаралар өткізіп тұрады. Соның нәтижесінде жыл басынан мас күйінде көлік айдаған 500-ге тарта жүргізуші анықталды, деп хабарлайды ҚазАқпарат тілшісі.

Облыстық Полиция департаментінің баспасөз қызметінен мәлім еткендей, Шардара ауданында учаскелік полиция инспекторы И.Дәуірбаевқа жергілікті тұрғын белгісіз біреу жол ережесін бұзып, мас халде көлік басқарып жүргені жайлы хабарлаған. Тәртіп сақшылары жолда басқаларға кедергі келтірген көлікті дереу анықтап, табады. Тексеру барысында, жүргізуші көлікті басқару құқығынан айырылғаны, бірақ соған қарамастан масаң күйде рульге қайта отырғаны анықталды. Арнайы жүргізілген медициналық зерттеудің қорытындысына сәйкес, көлік тізгіндеушінің орта дәрежелі мас екені расталды.

Аталған жайт сотқа дейінгі тергеп-тексерудің бірыңғай тізіліміне енгізіліп, ҚР ҚК-нің 346-бабы «Көлік құралдарын басқару құқығынан айырылған, алкогольдік, есірткілік және (немесе) уытқұмарлық масаң күйдегі адамның көлік құралын басқаруы, сол сияқты көлік құралын осындай адамның басқаруына беру немесе көлік құралын осындай адамның басқаруына жол беру» бойынша тіркелді.

Сотқа дейінгі тергеу амалдары жүргізіліп, жинақталған құжаттар сотқа жолданды.


Біздің каналымызға жазылыңыз:

Бөлісіңіз:

Аударма:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT