+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Түркістан облысында МӘМС қоры арқылы стоматологиялық көмек тегін көрсетіледі

2021 жылғы 10 тамыз 21:00
Бөлісіңіз:
Түркістан облысында МӘМС қоры арқылы стоматологиялық көмек тегін көрсетіледі

ТҮРКІСТАН. ҚазАқпарат - Түркістан облысында МӘМС қоры арқылы стоматологиялық көмек ақысыз көрсетілетін болды.

Ұқсас жаңалықтар
Қазақстандағы коронавирус: 11өңір - «жасыл» аймақта Қазақстанда қанша жасөспірім мен жүкті әйелдер Pfizer вакцинасын салдырды Өткен тәулікте 597 адам коронавирус індетінен сауықты

Бұл туралы «Әлеуметтік медициналық сақтандыру қоры» КЕАҚ Түркістан облысы бойынша филиалы директорының орынбасары Нұршат Айтымбетова мәлімдеді, деп хабарлайды ҚазАқпарат тілшісі.

Оның сөзінше, өңірде 22 - мемлекеттік және 40 - жеке клиника стоматологиялық қызмет көрсетеді. Жыл басынан бері 117 731 стоматологиялық ем жасап, ол қызметтері үшін қор тарапынан 431 млн теңге төленген. Жалпы МӘМС жүйесінде жоспарлы стоматологиялық көмек 18 жасқа дейінгі балалар мен жүкті әйелдерге көрсетіледі. Олар мұндай қызметтерді жоспарлы түрде ала алады. Көрсетілетін қывзметтердің қатарында анестезия, пломба салу, терапиялық қабылдау, пульпитті, периодонтитті емдеу, гипоплазия, флюороз кезінде тістің анатомиялық формасын толық функционалды қалпына келтіру бар. Сондай-ақ, тісті жұлудың хирургиялық әдістері, еріннің, тілдің френальды бөлігіне пластикалық хирургия, жақ рентгені және анестезия да қарастырылған. Тегін әрі шұғыл стоматологиялық көмекті сондай-ақ, екінші дүниежүзілік соғыс ардагерлері мен I, II, III топтағы мүгедектер, «Күміс алқа» және «Алтын алқа» иегерлері, атаулы әлеуметтік көмек алушылар, жасы бойынша зейнеткерлер, мүгедек балаға немесе бала кезінен I топтағы мүгедекке күтім жасайтын жұмыс істемейтін адамдарға шұғыл жағдайларда хирургиялық қабылдау, тұрақты тісті жұлу, абсцесті ашу, одонтогенді кистаны кетіру, альвеолитті емдеу, луночка жүйкесінің невритін емдеу, ауыз қуысының жұмсақ тіндерін кесу, жақ-бет аймағының жарасын бастапқы хирургиялық өңдеу сияқты қызметтер көрсетіледі. Сондай-ақ, жақ-бет аймағының туа біткен патологиясы бар балалар мемлекеттік тапсырыс есебінен ортодонтиялық көмек ала алады.


Біздің каналымызға жазылыңыз:

Бөлісіңіз:

Автор:

Айнұр Ақбаева

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT