Түркістан облысында құны 1 млн теңгеден астам күркетауықтарды ұрлап кеткен
Ұрланған күркетауықтың әрқайсысының құны 11 мың теңгені құрайды. Жәбірленушіге келтірілген шығынның жалпы көлемі 1 миллион теңгеден астам.
Аталған жайтты ордабасылық полицейлер ҚР ҚК 188-бабының 3-бөлігі «Ұрлық» бойынша тіркеп, іздестіру жұмыстарына кірісті.
Ұрыларды ұстауға жедел тергеу тобы құрылды. Полиция қызметкерлері жан-жақты тексеру жұмыстарын жүргізді. Көрген-білгендерден жауап алды. Нәтижесінде тәртіп сақшылары ақпарат көздері мен бейнекамера арқылы 2 күдіктіні қолға түсірді. Күдіктілер Бадам ауылының тұрғындары болып шықты. Қазіргі таңда ұрыларға қатысты тергеу амалдары жүргізілуде.
Тергеу барысында анықталғандай, аталған 2 күдікті ұрлықты жоспарлы түрде ұйымдастырған. Сонымен қатар күдіктілер бұл іске басқа сыбайлас 2 азаматтың қатысы барын айтты. Сондай-ақ полицейлер қылмысты түнгі 4:00 шамасында жасағандары белгілі болды. Бүгінгі таңда 2 күдікті қамауда. Оның бірі бұрын ҚР ҚК-нің 293-бабы «Бұзақылық» бойынша қылмыс жасап, сотты болған. Қазіргі таңда күдіктілердің сыбайластарына қатысты іздестіру амалдары жүруде.