+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Түркістан облысында елді мекендерді ауыз сумен қамтуға 13,7 млрд теңге қарастырылған

2020 жылғы 14 ақпан 22:43
Бөлісіңіз:
Түркістан облысында елді мекендерді ауыз сумен қамтуға 13,7 млрд теңге қарастырылған

ТҮРКІСТАН.ҚазАқпарат – Түркістан облысындағы аудан-қала мен ауыл әкімдері жергілікті жерлерде тұрғындардың өзекті мәселелерін шешу үшін жұмыс атқарулары тиіс.

Ұқсас жаңалықтар
Бақыт Сұлтанов Қазақстандағы Корея елшісімен екі елдің сауда-саттық мәселесін талқылады Бәйтерек холдингі штат санын қысқартады Жамбылда құны 114 миллиард теңге болатын 18 инвестициялық жоба іске асады

Бүгін ел алдында есеп берген облыс әкімі Өмірзақ Шөкеев жергілікті әкімдерді өз жұмыстарын пысықтауды тапсырды, деп хабарлайды ҚазАқпарат тілшісі.

Аймақ басшысы елді мекендерде инфрақұрылымды дамыту, жол жөндеу, газ, ауыз су, әлектрмен және тұрғын үймен қамтамасыз ету жұмыстарын жүргізу – тұрғындардың өмір сүру сапасын жақсартудың бірден-бір жолы деп атап өтті.

«Осының негізінде облыс көлемінде елді мекендерді ауыз сумен қамтамасыз ету мақсатында 103 нысанның құрылысына 13,7 млрд теңге қарастырылды. Бөлінген қаржыға су құбыры мүлдем жоқ 43 елді мекенге жаңа ауызсу құбырлары салынды. Оған дәлел Кеңес заманынан бері орталықтандырылған ауыз су жүйесі салынбаған Созақ ауданындағы 5 елді мекенге, Шардара ауданындағы 5 елді мекенге ауызсумен қамту бойынша құрылыс жұмыстары жүргізілді. Сондай-ақ, 12 елді мекеннің тозығы жеткен ауызсу жүйелері жаңартылды. Нәтижесінде, қамту деңгейі 80%-дан астам немесе 671 елді мекен ауызсумен қамтамасыз етілді»,- деді Өмірзақ Шөкеев.

Өңір басшысының сөзінше, ағымдағы жылға 45 нысанның құрылысына 15 млрд теңгеден астам қаржы бағытталып отыр. Жыл қорытындысы бойынша су құбырымен қамтылмаған 26 елді мекенді жаңа ауыз су жүйелерімен қамтып, 12 елді мекендегі тозығы жеткен су құбырларын қайта жаңарту межеленіп отыр.

«Бүгінгі күнге, Түркістан қаласының небәрі 16% ғана кәріз жүйесімен қамтылған. Қаланың экологиялық жағдайын жақсарту мақсатында жан-жақты талдау жұмыстары жүргізіліп, қаланы 2024 жылға дейін 100% кәріз жүйесімен қамтамасыз ететін 10 нысанның жобасын әзірлеп, кешенді жоспарға енгізілді. Табиғи газбен қамту бойынша 2019 жылы 54 табиғи газ нысанының құрылысына 19 млрд теңгеден астам қаржы бағытталып, жыл бойына 34 нысанның құрылыс-монтаждау жұмыстары аяқталатын болады. Өз кезегінде Ордабасы ауданы Темірлан елді мекені, Мақтаарал ауданы, Жамбыл елді мекені, Сарыағаш ауданындағы Көктөбе, Телемұнара мөлтек ауданы көгілдір отынға қол жеткізді. Нәтижесінде, 412 елді мекен (48,9 %) немесе 1 млн 109 мыңға жуық адам (56,7%) табиғи газбен қамтылды»,- деді Өмірзақ Естайұлы.


Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT