+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Түркістан облысында бірнеше көлік соқтығысып, 15 адам зардап шекті

2019 жылғы 24 қараша 16:57
Бөлісіңіз:
Түркістан облысында бірнеше көлік соқтығысып, 15 адам зардап шекті

ҚАЗЫҒҰРТ. ҚазАқпарат – Түркістан облысының Қазығұрт ауданында бірден 4 көлік соқтығысып, 15 адам жарақаттанды. Зардап шеккендердің 7-еуі ауыр жағдайда жансақтау бөлімінде жатыр, деп хабарлайды ҚазАқпарат тілшісі.

Жол-көлік оқиғасы бүгін Қазығұрт ауданы аумағындағы трассада болған. Соқтығысқан төрт көлік те бір бағытта бара жатқан. Жол апатынан кейін автокөліктердің бірінен өрт шыққан.

Салдарынан барлығы 15 адам зардап шегіп, олардың 14-і Қазығұрт аудандық ауруханасына жеткізілді. Облыстық Денсаулық сақтау басқармасының мәліметінше, жарақат алған жеті адамның жағдайлары ауыр күйінде қалып отыр.

«Олар тез арада жансақтау бөліміне жатқызылып, ота жасалуда. Көмекке санитарлық авиациямен бір топ нейрохирург шақыртылды. Шымкенттен жеткен мамандар науқастарға операция жасап жатыр. Тағы үш адам аурухананың жарақат бөліміне жатқызылды. Төрт адамға алғашқы медициналық көмек көрсетіліп, олар үйлеріне қайтарылды», - деді басқарманың баспасөз хатшысы Сәуле Алжанбаева.

Қазір оқиға орнында Түркістан облыстық Полиция департаментінің тергеу-жедел тобы жұмыс істеуде.

Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059

MURAǴAT