+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Түркістан облысында басталған «Қамқорлық» жобасын өзге өңірлер де қолдады

2020 жылғы 27 ақпан 04:00
Бөлісіңіз:
Түркістан облысында басталған «Қамқорлық» жобасын өзге өңірлер де қолдады

ТҮРКІСТАН. ҚазАқпарат - «Қамқорлық» жобасы елімізде етек жая бастады. Үлгі аларлық шараға өзіндік үлесін қосқан Ақтөбе облысының тұрғыны Гүлбарам Қабыланқызы Жетісай ауданына арнайы келіп қайырымдылық жасады, деп хабарлайды ҚазАқпарат Түркістан облысы әкімінің баспасөз қызметіне сілтеме жасап.

Ұқсас жаңалықтар
#BizBirgemiz: Тағы 80 мың отбасы 50 мың теңгеден алды

«Ұлтымыздың жақсы қасиеттерінің асылы-жомарттық, кеңпейілділік. Түркістан облысында «Қамқорлық» бағдарламасының барын естіп, аз да болса мұқтаж жандарға көмегім болсын, деп шештім. Бүгін бар дүние ертең жоқ. Балаларымның бәрі қолдады», – дейді ақ жаулықты ана.

Үлкен шаңырақтың отанасы ауылдағы мұқтаж жандарға екі бас ірі қара сойып, 30-ға жуық отбасына таратты. Одан бөлек Жетісай қаласы мен Асық-ата кентінде орналасқан балаларға арналған екі оңалту орталығының төсек-орнын түгелдей жаңартып, қажетті тұрмыс жиһаздарын сыйға тартты.

Сондай-ақ, бағдарлама аясында тағы бір шаңырақ шаттыққа бөленді. Созақ ауданы, Құмкент ауылдық округіне қарасты Қызылкөл елді мекенінің тұрғыны Шегебай Сарыбаевқа ауылдасы, жеке кәсіпкер Сәкен Әшірметов көлемі 120 шаршы метр болатын 6 бөлмелі үй алып беріп, мұқтаж жанды қуантты. Жақында зейнетке шыққан ақсақалдың отбасындағы алты жан жылдар бойы дым тартқан аядай ғана бөлмені паналап келген. Осыны ескерген аудан әкімдігі «Қамқорлық» жобасы аясында демеуші тауып, жанұяның баспаналы болуына қолғабыс етті.

«Өзгелерге үлгі етерлік ерекше бағдарлама Nur Otan партиясының бастамасымен жүзеге асып, өмірлік қиын жағдайға тап болған отбасыларды кедейлік деңгейінен шығуға ықпал етеді. Тұрмыстық жағдайы тым төмен 7 мыңға жуық адам, яғни, 1643 отбасы жан-жақты көмекпен қамтылуда. Бағдарлама билік пен қоғам арасындағы қарым-қатынасты нығайтуға сеп болғаны анық»,-делінген хабарламада.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT