+7 (701) 759 90 19
USD 389.62 EUR 429.98
RUB 6.06 CNY 55.08
Jańalyqtar

Түркістан облысында аспан астындағы ашық бассейннің құрылысы жүріп жатыр

2019 жылғы 19 қыркүйек 03:50
Бөлісіңіз:
Түркістан облысында аспан астындағы ашық бассейннің құрылысы жүріп жатыр

ТҮРКІСТАН: ОБЛЫСЫ. ҚазАқпарат - Түркістан облысының әкімі Өмірзақ Шөкеев жауапты сала жетекшілерімен бірге Бекзат Саттарханов даңғылының бойында орналасқан «Желілік саябақ» жобасының барысын бақылап қайтты.

Ұқсас жаңалықтар
Жамбылда биыл 600 шақырым жол жөнделеді Мақтааралда заманауи үлгідегі каналдың құрылысы басталды Ордабасыда жолдарды жөндеу қарқынды жүргізілуде

Құрылыс қайнаған аумақты аралап шыққан аймақ басшысы жауапты мамандарға бірқатар тапсырма берді.

«Облыс орталығына сай бұл бақта Түркістанның брендіне айналатын негізгі жобалардың бірі - «Керуен жолының» құрылысын тездету керек. Жаяу жүргіншілерге арналған жолдың ыңғайлы да сапалы болғаны жөн. Ең алдымен балаларға арналған алаңқайлардың көрікті де қызықты, барлық талапқа сай сапалы да қауіпсіз болуы міндетті. Көгалдандыру жұмыстарын осы бастан қолға алып, гүлзарлармен абаттандыру қажет. Көпжылдық ағаштармен айналаны жасыл желекке бөлеу керек», – деді Өмірзақ Естайұлы.

11 гектар аумақта орналасқан ауқымды бақта аспан астында орналасқан ашық бассейннің құрылысы да қызу жүріп жатыр. Ұзындығы 67 метр болатын қос жүзу алаңының жобасы қазақстандық маманның қолынан шыққан. Әлемдік стандарттарға сай салынып жатқан спорт аумағы да жасыл желекке оранып, халықтың сүйікті демалыс орнына айналары анық.

Сондай-ақ, өңір басшысы Түркістан магистралды су арнасының күрделі жөндеу жобасының жұмысын көрді. Осыған дейін жер арық болған аумақ толықтай бетондалып, арнасы өзгертілген. Алдағы уақытта 26,5 мың га суармалы жерлер тұрақты түрде ағын сумен қамтамасыз етіліп, қаланың толық көгалдандыруына мүмкіндік тумақ. Аймақ басшысы тиісті салалық жетекшілерге жүргізіліп жатқан құрылыс нысандарының сапасы мен уақытылы аяқталуына баса назар аударып, бақылауды күшейтуді жүктеді.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT