+7 (701) 759 90 19
USD 389.52 EUR 429.21
RUB 6.07 CNY 54.94
Jańalyqtar

Түркістан облысында адам қағып өлтіріп қашып кеткен жүргізуші ұсталды

2019 жылғы 23 қыркүйек 10:52
Бөлісіңіз:
Түркістан облысында адам қағып өлтіріп қашып кеткен жүргізуші ұсталды

АРЫС. ҚазАқпарат – Түркістан облысының Арыс ауданында жүргіншіні көлігімен қағып өлтіріп, оқиға орнынан қашып кеткен жүргізуші ұсталды, деп хабарлайды ҚазАқпарат облыстық Полиция департаментіне сілтеме жасап.

Ұқсас жаңалықтар
Жаңаөзенде жол апатынан 9 адам зардап шекті Жезқазған - Петропавл тасжолында жүк көлігі мен трактор соқтығысып, бір адам көз жұмды Оралда жол апатынан бір жасар сәби мерт болды

Таяуда Арыс аудандық полиция бөліміне жергілікті тұрғынның бірі хабарласып, жол-көлік оқиғасы болғанын баяндайды. Оқиға орнына бірден барған полицейлер ол жерден мәйітті көреді. Ал, жүргізуші болса, оқиға орнынан бірден ізін суытқан.

«Осылайша, мәйітке қатысты тиісті жұмыстар жүргізіліп, оқиға орнына тексеру шаралары жасалады. Ол жерді тексеру кезінде полицейлер айғақты зат ретінде көліктің алдыңғы нөмірін тауып алады. Сонымен қатар, басқа да ұсақ-түйектерге дейін мән беріп, тиісті жұмыстарды атқарады», делінген хабарламада.

Полицейлер сол күні көліктің кімге тиесілі екенін анықтайды. Сондай-ақ, Түркістан облысы бойынша барлық қала, аудандық полиция басқарма, бөлімдеріне күдіктіге қатысты хабар береді.

Қылмысты ашу үшін жедел әрекет еткен полицейлер Ордабасы ауданынан күдіктінің көлігін табады. Тексере келе көлікті тастап кеткендігі белгілі болады. Осыдан соң, Арыс ауданының полицейлері күдіктіні тез арада құрықтауға көшеді. Көп ұзамай екінші күні Төле би ауданы Леңгір қаласында көшеден күдікті ұсталды.

Тексере келе, күдікті Шымкент қаласының тұрғыны болып шықты. Бүгінгі таңда ұсталған жүргізуші қамауда.

Айта кетерлігі, осы оқиға Арыс аудандық ПБ-де сотқа дейінгі тергеу тізіліміне тіркеліп, ҚР Қылмыстық кодексінің 345-бабы «Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы» және 347-бабы «Жол-көлiк оқиғасы болған жерден кетіп қалу» бойынша қылмыстық іс қозғалды.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT