Түркістан облысында 16 мыңға жуық бозбала әскери есепке қойылады

None
None
ТҮРКІСТАН. ҚазАқпарат - Биыл Түркістан облысының жергілікті әскери басқару органдарында 17 жасқа толатын 16 мыңға жуық бозбаланы алғашқы әскери есепке қою жоспарланып отыр, деп хабарлайды ҚазАқпарат.

Өңірлік коммуникациялар қызметінің мәліметіне сенсек, болашақ Отан қорғаушылар мен олардың ата-анасы бұл шараға түсіністікпен және жауапкершілікпен қарауы керек.

Жастар өздерінің тіркеу туралы куәлігін шақыру учаскесінде алады.

«Әскери есепке қою - кешенді және өте маңызды рәсім. Әскери есепке алғаш тұрған жасөспірімдермен - жергілікті әскери басқару органдарының жеке құрамы Қорғаныс министрлігінің жоғары оқу орындарына түсу бойынша үгіт-насихат жұмысын жүргіземіз», - деді Түркістан облысының қорғаныс істері жөніндегі департаментінің бастығы, полковник Нұрмаханбет Дүйсебаев.

Жастарды алғашқы әскери есепке қою үшін қажетті құжаттар түгенделіп, олар әскери қызметке жарамдылығын растайтын медициналық тексеруден өтеді.

Алғашқы әскери есепке қою қаңтар-наурыз айлары аралығында өтеді.

Балалары есепке тұру үшін медициналық тексеруден өтпеген ата-аналар тұрғылықты жері бойынша қорғаныс істері басқармасына немесе бөлімге жүгінуі керек.



Соңғы жаңалықтар