Қолданушы баптаулары
Қолданушы баптаулары
+7 (701) 759 90 19 Лента
USD 378.17 EUR 429.11
RUB 5.88 CNY 56.48
Jańalyqtar

Түркістан облысында 1 мың гектардан астам суармалы жер қайтадан айналымға енді

2019 жылғы 21 ақпан 05:30 567
Бөлісіңіз:
Түркістан облысында 1 мың гектардан астам суармалы жер қайтадан айналымға енді

ТҮРКІСТАН. ҚазАқпарат - Түркістан облысында 1 мың гектардан астам суармалы жер қайтадан айналымға енді.

Ұқсас жаңалықтар
Түркістанның ауыл шаруашылығына Польша технологиясы енгізіледі Нан бағасы қымбаттай ма - министр пікірі

Бұл туралы бүгін Түркістан облыстық ауыл шаруашылығы басқармасының басшысы Нұрбек Бадырақов өңірлік коммуникациялар қызметінде өткен баспасөз жиынында хабарлады.

2018 жылы салада атқарылған жұмыстарға есеп бере кеткен өңірдің бас агрономы соңғы екі жылда жергілікті бюджеттен 2,6 млрд. теңге қаржы бөлініп, 52 нысанға жөндеу жұмыстары жүргізілгенін мәлімдеді. Нәтижесінде, 45,5 мың гектар жер ағын сумен қамтамасыз етіліп  1 мың гектар жер жаңадан айналымға енген.

«Халықаралық қайта құру және даму банкінің қаржыландыруымен «Ирригация және дренаж жүйелерін жетілдіру» жобасының 3-ші кезеңінде 57,3 мың гектар жерді қалпына келтіру жоспарланған. Республикалық меншікке өткізілуі тиіс 57,3 мың гектар суармалы жердегі су нысандарының 90% республикалық меншікке өткізілді», - деді Н.Бадырақов.

Баспасөз өкілдерімен кездесуде саладағы өзге де оңды өзгерістер тілшілер назарына ұсынылды. Мәселен, ауыл шаруашылығының жалпы өнім көлемі 542,8 млрд. теңгені құрап, өткен жылдың тиісті кезеңімен салыстырғанда 60,4 млрд. теңгеге артып, республикада 2 көрсеткіш болып отыр. Республикада жалпы өнім көлемі бойынша Түркістан облысының үлесі 12,4%-ды құрады. Ауыл шаруашылығы экспортының көлемі 180,9 млн. АҚШ долларын құрап, өткен жылмен салыстырғанда 12,6% немесе 20,2 млн. АҚШ долларына артты.

Облыста ауыл шаруашылығының негізгі капиталына тартылған инвестициялар көлемі 43,8 млрд. теңгеге жетіп, өткен жылдың сәйкес кезеңімен салыстырғанда 111,4% құрады. Республика бойынша тартылған инвестиция көлемі бойынша Түркістан облысы 4 орында.

Бас агроном былтыр 181,3 гектар аумаққа жылыжай салынып, оның облысымыздағы көлемі 1344 гектар болғанын (2017 жылы 1162 гектар) да баян етті.

«Осылайша, жылыжай ісін өркендету бойынша Түркістан облысы республикамызда 77 пайыздық үлеске жетті. Биыл, 2019 жылы да аймақта 180 гектар жылыжай салу жоспарланып отыр»-деп жазады Түркістан облысы әкімдігінің баспасөз қызметі.

Біздің каналымызға жазылыңыз:

Бөлісіңіз:
Загрузка...
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
MURAǴAT