Түркістан облысы мектептерінде оқушыларды аралас оқытуға рұқсат берілді
Қаулыдағы өзгерістерге сәйкес, көрермендерді қатыстырып, спорт шараларын өткізуге және ойын-сауық нысандарының (түнгі клубтар, караоке, боулинг орталықтары, батуттар және басқа), букмекер кеңселерінің қызметіне тыйым салынған.
Сауда ойын-сауық орталықтары мен сауда желілерінің қызметін ондағы орналасқан дәріханаларды, азық-түлік өнімдері мен бірінші кезекте қажетті заттарды сату жөніндегі супермаркеттерді қоспағанда, жұмыс және демалыс күндері сағат 09.00-ден 21.00-ге дейін рұқсат етілген.
Мемлекеттік органдардың, өзге де ұйымдар мен кәсіпкерлік субъектілердің әлеуметтік қашықтықты және күшейтілген санитариялық-дезинфекциялық режимді сақтай отырып жұмыс істеуіне рұқсат етілген.
Ал, діни объектілерде (мешіттер, шіркеулер, соборлар, синагогалар және басқа) күшейтілген санитариялық-дезинфекциялық режимде намаз оқуға рұқсат етілген.
Қалыпты режимде контингенті 300-ге дейінгі мектептерде сыныптағы бала саны 15-ке дейін болатын қалалық және ауылдық мектептерде оқушылар дәстүрлі форматта білім алады.
1 наурыздан бастап жалпы білім беретін мектептерде 1-ден 5-сыныпқа дейін, халықаралық мектептерде 7-сыныпқа дейін қоса алғанда оқушыларды аралас оқытуға рұқсат етілді.
Білім мекемесі әкімшілігінің шешімі бойынша сабақтан тыс уақытта 15 адамнан аспайтын топтарда оқушылар жекелеген түрде оқытылатын болды.
Жылжымалы цирктер 30%-ға дейін толтырып, көрермендерді қатардың ұзындығы бойынша әр 2 орыннан кейін отырғызып, қойылым көрсететін болды.
Сондай-ақ, бильярд клубтарының жұмысы әлеуметтік қашықтықты, маска тәртібін, термометрияны, күшейтілген санитарлық-дезинфекциялық режимді сақтай отырып қызмет көрсете алмақ.
Балалар ойын-сауық орталықтары (жабық бөлмедегі аттракциондар, ойын алаңшалары), 30% толтырып, 50 адамнан асырмай, әлеуметтік қашықтықты, маскалық тәртіпті, термометрияны, күшейтілген санитарлық-дезинфекциялық режимді сақтай отырып жұмыс істемек.