Түркістан облыстық жедел жәрдем қызметі 16 көлікпен толықты

ТҮРКІСТАН. ҚазАқпарат - Түркістан облыстық жедел медициналық жәрдем станциясына толық жабдықталған, заманауи талапқа сай жаңа көліктер берілді, деп хабарлайды ҚазАқпарат өңір басшысының баспасөз қызметіне сілтеме жасап.

Ұқсас жаңалықтар

Бердібек Сапарбаев бірқатар медициналық нысанның жұмысымен танысты

Міндетті әлеуметтік медициналық сақтандыруға қалай қатысуға болады Қазақстан Қытайдағы коронавирусқа байланысты шекарада бақылау шараларын күшейтті Массаж жасаушы: Арбаға таңылған әкемді аяғынан тұрғыздым

Салтанатты шараға облыс әкімінің орынбасары Жолдымұрат Аманбаев және облыстық қоғамдық денсаулық басқармасының басшылығы мен медицина саласының қызметкерлері қатысты. Дамыған елдердің бір жоғары көрсеткіші - дер кезінде жететін жедел жәрдем.

Бүгінде облысымызда жедел жәрдем көрсету станциясы мен оған қарасты аудандық бөлімшелер қызмет көрсетеді. Адам өміріне бірден-бір жауапты сала ісі ілгері дамуы үшін бүгін 16 бірдей жедел жәрдем көлігі қолданысқа берілді. Жиыннан соң «Газель-NEXT» маркалы автокөліктер облыстық жедел жәрдем станциясының аудандық бөлімшелеріне жол тартты. Көліктер соңғы үлгідегі өкпені жасанды желдету аппаратымен, электрокардиограф, аспиратор және тағы да басқа аса қажетті құрал-жабдықтармен жабдықталған. Алдағы уақытта облыстың медицина саласын қосымша 26 арнайы көлікпен қамту жоспарлануда.