+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Түркістан қаласында қылмыс саны күрт азайған

2020 жылғы 24 қазан 01:01
Бөлісіңіз:
Түркістан қаласында қылмыс саны күрт азайған

ТҮРКІСТАН. ҚазАқпарат – Түркістан қаласының полиция басқармасына басшылық қызметке полковник Бауыржан Селтанов келгелі облыс орталығында жағдай тұрақтанған. Бұл жайында облыстық полиция департаментінің баспасөз қызметі ресми мәлімет таратты, деп хабарлайды ҚазАқпарат тілшісі.

Ұқсас жаңалықтар
Украина азаматы ақмолалық полицейлерге алғыс айтты Бұзылған көлікке көмекке келген тараздық полицейлер туралы видео тарады Ақмола облысында иісшіл иттің көмегімен 400-ге жуық қылмыс ашылды

ПД баспасөз қызметінің мәліметінше, киелі шаһарда әкімшілік құқық бұзу саны азайып, қылмыстардың, оның ішінде қоғамдық орын мен көшедегі қылмыстың ашылу көрсеткіші жақсарған.

Сондай-ақ, қалалық полиция басқармасы басшылығының бастамасы бойынша тұрақты негізде жеке құрам арасында тәртіпті арттыру және полицияның кейбір арсыз қызметкерлерінен полиция қатарларын тазарту бойынша жұмыстар жүргізілуде.

Айта кетейік, әлеуметтік желілерде Ордабасы аудандық полиция бөлімінің бұрынғы басшысы, полиция полковнигі Бауыржан Селтанов 2018 жылы Абай ауылында зорланған 7 жасар бала оқиғасына қатысы болуы мүмкін деген жалған ақпарат тараған болатын.

Алайда өңірдің полиция департаменті бұл ақпарларды жоққа шығарды.

«Департамент тарапынан Бауыржан Селтановтың полициядан қуылғаны жайлы ақпаратты жоққа шығарамыз. Абай ауылындағы жағдайдан кейін ол Ордабасы АПБ бастығы лауазымына ауыстырылған. Сонымен қатар, құқық қорғау органдарының мүдделі өкілдері полиция полковнигі Б.Селтановқа қатысты ҚР ҚК 362-бабының 1-бөлігі «қызмет бабын теріс пайдалану» бойынша 2018 жылы жан-жақты тексеру жүргізген. Полиция полковнигі Б.Селтановқа қатысты айтылған уәж өз дәлелін таппаған еді. 2020 жылғы наурызда ҚР Ішкі істер министрлігі басшылығының келісімімен Түркістан облысы ПД бастығы, полиция генерал-майоры Қ.Дәлбековтың бұйрығымен Түркістан қаласы полиция басқармасының бастығы қызметіне Бауыржан Селтанов тағайындалды» делінген хабарламада.


Біздің каналымызға жазылыңыз:

Бөлісіңіз:

Автор:

Айнұр Ақбаева

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT