Түркістан ең көрікті қаланың біріне айналады – Мемлекет басшысы

НҰР-СҰЛТАН. ҚазАқпарат - Мемлекет басшысы Қасым-Жомарт Тоқаев Түркістан еліміздегі ең көрікті қаланың біріне айналатынын айтты, деп хабарлайды ҚазАқпарат тілшісі.

«Шын мәнінде Түркістан облысы бойынша белсенді жұмыс жүргізілуде. Құрылыс қарқынды іске асырылып жатыр. Премьер-Министр өңірге жиі барып тұрады, яғни мәселені мұқият қадағалап отыр. Амандық болса, Түркістан біздің тарихымыздың, мәдениетіміздің алтын бесігі ретінде қайта қалпына келеді. Керемет сымбатты қала болып шығады деп ойлаймын», - деді Президент Үкіметтің кеңейтілген отырысында.

Фото: www.turkistannews.kz