+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Түркіден шыққан тұңғыш патшайым Разия Сұлтан туралы телехикая эфирге шығады

2019 жылғы 20 қыркүйек 16:15
Бөлісіңіз:
Түркіден шыққан тұңғыш патшайым Разия Сұлтан туралы телехикая эфирге шығады

НҰР-СҰЛТАН. ҚазАқпарат - Орта ғасырдағы Үнді елін басқарған қазақ даласынан шыққан тұңғыш әйел билеуші туралы жаңа телехикая көрерменге жол тартады, деп хабарлайды ҚазАқпарат.

Ұқсас жаңалықтар
Қазақстандықтарға детектив жанрында түсірілген телехикая ұсынылады «Чернобыль» үздік шағын сериал атанып, «Эмми» сыйлығын жеңіп алды Таяуда отандық «шоу-бизнестің» жаңа қалыптасқан кезі туралы телехикая көрерменге жол тартады

«Хабар» телеарнасы көрермен назарына түбі бір Түркі елінен шыққан тұңғыш әйел патша - Разия Сұлтан туралы үнді телехикаясын ұсынады. Туындыға ХІІІ ғасырда құрылған Дели сұлтандығын басқарған қыпшақтардың арасынан шыққан тұңғыш әйел патшайым - Разия Сұлтанның билік құрған кезеңі арқау болады. Аталмыш үнді телехикаясын «Хабар» телеарнасынан 23 қыркүйектен бастап сағат 20.00-де тамашалай аласыздар.

Қазақ даласынан Үндістанға барған көшпенділердің ұрпағы - Разия Сұлтан Солтүстік Үндістан жерінде 1236-1240 жылдар аралығында билік құрған мұсылман әлеміндегі тұңғыш әйел билеуші. Ол – Дели сұлтандығын басқарған бесінші билеуші. Оған дейін сұлтандықты басқарған даңқты Шамса-ад-дин Елтұтмыштың ұл балалары болса да, ол өз орнына қызы Разияны лайық деп танып, қалдырып кетеді.

Оның билікке тағайындалуы сол замандағы революциялық жаңалық болды. Ел іргесі мен тыныштығы үшін барын салған патшайым Үндістанда көптеген салық жүйесіне, әскери салаға, әкімшілік басқаруға қатысты көптеген пайдалы реформаларды жасайды. Алайда, кілең бөріктілер мен білектілер ғана күллі елді басқаруға құқылы деп ойлайтын, Разия Сұлтанның халқы үшін жасаған барлық ісін бұрыс деуден тынбайтын кереғар кісілерге де үнемі тап болады. Нәзік жанды әйел патша бұқараның ішінен бүлік шығарғандармен қалай күресті? Бітімгерлікті басты ұран еткен ол Үнді жұртының бірлігін сақтай ала ма?

Тарихи тағлымға толы «Разия Сұлтан» үнді телехикаясын «Хабар» телеарнасынан бүгіннен бастап тамашалаңыздар.

Тарихи драмада басты рөлдерді - Панхури Авасти, Сима Капур, Зара Барринг, Рия Дипси, Анкит Арора, Сурадж Тапар, Пранит Бхатт, Рохит Пурохит, Саурабх Пандей, Самбхавна Сетх және тағы басқа үнді актерлері сомдайды.


Біздің каналымызға жазылыңыз:

Басты сөздер: Мәдениет, БАҚ,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059

MURAǴAT