+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Түркі Кеңесі Хатшылығының бақылаушы миссиясы Әзірбайжандағы президент сайлауын бақылайтын болады

2013 жылғы 21 қыркүйек 13:24
Бөлісіңіз:

ЫСТАМБҰЛ. 21 қыркүйек. ҚазАқпарат - Әзірбайжан Республикасының шақыруымен Түркі Кеңесі Хатшылығының миссиясы 2013 жылғы 9 қазанда өтетін Әзірбайжан президенті сайлауын бақылайтын болады.

Түркі Кеңесінің делегациясы Әзірбайжандағы президент сайлауына бақылаушы миссиясын Қарабахтың Ағдам ауданында атқарады.

Миссия құрамында Түркі Кеңесі Хатшылығы қызметкерлерімен қатар мүше-мемлекеттер Қазақстан, Қырғызстан және Түркиядан бір өкілден кіреді.

Аталған бақылаушы миссия Түркі Кеңесінің мүше-мемлекеттерде өткен сайлауларға Түркі Кеңесінің ұйымдық мәртебеде қатысатын үшінші сапары болмақ. Түркі Кеңесі Хатшылығы мен мүшелерінен құралған ортақ бақылаушылар делегациясы 2011 жылғы қазан айында Қырғызстан президенті сайлауында Ош қаласында, сондай-ақ 2012 жылдың қаңтарында Қазақстан Парламенті Мәжілісінің сайлауында Оңтүстік Қазақстан облысында бақылаушы жұмысын атқарып қайтқан болатын.

Делегация жетекшісі сайлау туралы пікірін ағымдағы жылдың. 10 қазанында Бакуде өтетін баспасөз жиынында бөліседі және бұдан кейін бақылаушы делегацияның есебін мүше-мемлекеттерге ұсынады.

Біздің каналымызға жазылыңыз:

Бөлісіңіз:
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT