+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Түркi кеңесi бiлiм министрлерiнiң II жиыны өтеді

2013 жылғы 21 қараша 23:41
Бөлісіңіз:

ЫСТАМБҰЛ. 21 қараша . ҚазАқпарат - Түркi кеңесi Бiлiм министрлерiнiң II жиыны 2013 жылдың 22 қарашасында Түркияның Ескiшехир қаласында өтедi.

Бұл жиын Түркi кеңесiнiң бiлiм беру саласына айрықша мән берiп отырғандығының дәлелi. Ескiшехирдегі басқосуда Кеңеске мүше-мемлекеттер өз араларындағы бiлiм және ғылым саласындағы кең ауқымды iскерліктi дамытуға байланысты бiрқатар мәселелердi талқыламақ. Осы орайда 2013 жылдың 16 тамызында Әзірбайжанда өткен Түркi кеңесiнiң III Саммитiнде Мемлекет басшыларының "Түркі тарихы мен әдебиеті бойынша ортақ оқулықтар мәселесін қоса алғанда, білім саласындағы кеңейтілген ынтымақтастықтың күн тәртібін ілгерілетуде қажетті шараларды жалғастырудың маңыздылыған атап өткенiн және білім беру мекемелерінде мүше мемлекеттердің тілдерін оқытуды құптағанын" айта кету керек. Жиын кезiнде министрлер үстiмiздегi жылы құрылған Түркi университеттер одағының жұмысы, Түркияның «Мәуләна» алмасу бағдарламасына байланысты ынтымақтастық, орта мектеп деңгейiнде оқушылармен алмасу бағдарламасы, ортақ тарих және әдебиет оқулықтарының дайындалуы, мүше-мемлекеттер тілдерінiң таңдамалы сабақтар ретінде қалған мүше-мемлекеттердiң білім беру мекемелерінде оқытылуы, ортақ бiлiм телеарнасы тәрiздi мәселелердi қарастырады.
Біздің каналымызға жазылыңыз:

Бөлісіңіз:
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT