Түркі елдерінің ақындары И. Насимидің 650 жылдығын тойлау үшін Ошқа жиналды

ОШ. ҚазАқпарат - Кеше, 19 мамыр күні Ош қаласының халықаралық әуежайында әзербайжанның ойшыл ақыны Имамеддин Насимидің 650 жылдық мерейтойына келген Түркі тілдес елдердің ақындарын қарсы алу салтанатты шарасы өтті, деп хабарлайды «ҚазАқпарат» ХАА Кабар агенттігіне сілтеме жасап.

Ақындарды Оштың вице-мэрі Нұрбек Қадыров, қала әкімшілігінің әлеуметтік даму бөлімінің, Сыртқы байланыстар агенттігінің қызметкерлері, мәдениет және өнер қайраткерлері қарсы алды.

Мерейтойға жиналғандар арасында «ТҮРКСОЙ» ұйымының Қырғызстандағы өкілі Қожагелді Күлтегін, Түркия, Әзербайжан, Македония, Өзбекстан, Қазақстан, Якутия, Башқұртстан, Қырғызстан ақындары бар.

Ойшылдың мерейтойына арналған поэзия кеші Оштың Қырғыз-Өзбек университетінде болады. Шара аясында түркі елдерінің ақындар айтысы өтпек.