+7 (701) 759 90 19 Лента
USD 386.70 EUR 427.15
RUB 6.06 CNY 54.57
Jańalyqtar

Түркі академиясы Әзербайжанда үш жылға жоспарланған кешенді зерттеу жұмысын бастайды

2019 жылғы 3 қыркүйек 18:16
Бөлісіңіз:
Түркі академиясы Әзербайжанда үш жылға жоспарланған кешенді зерттеу жұмысын бастайды

НҰР-СҰЛТАН. ҚазАқпарат - TWESCO президенті Дархан Қыдырәлі Әзербайжан жазушылар одағының төрағасы Анар Рзаевпен кездесті, деп хабарлайды Халықаралық Түркі академиясының баспасөз қызметі.

Ұқсас жаңалықтар
Тәжікстан президентінің Ыстықкөлге сапарына байланысты жол қозғалысына уақытша шектеу қойылады


Дархан Қыдырәлі кездесу барысында 2020 жылы Түркі Академиясының Әзербайжан жерінде үш жылға жоспарланған кешенді зерттеу жұмысын бастайтынын жеткізді. Халықаралық жоба археология, топонимика және этнография сияқты салаларды қамтымақ. Сондай-ақ, Академия жетекшісі Әзербайжан мен Кавказ өңіріндегі түркілік мәдениет пен өркениетті зерттеу ісіне ерекше ден қою керектігін айта келе, Академия дайындаған «Ортақ Түркі тарихы» оқулығының туыс елдерде орта мектеп оқу бағдарламаларына еніп, соның негізінде балаларға дәріс беріле бастағанын жеткізіп, ортақ әдебиет пен география пәндері бойынша да жұмыстардың жалғасып жатқанына тоқталды.


Өз кезегінде Әзербайжан жазушылар одағының төрағасы Түркі академиясымен әріптестікке ерекше мән беретінін атап өтіп, халықаралық ұйымның жұмысын жоғары бағалайтынын мәлімдеді. Ол сондай-ақ туыс халықтардың бірлігі жолында әдеби байланыстарды нығайту, ақын-жазушылардың әріптестігі мен қарым-қатынастарын күшейте түсу қажеттігін айтты. Мәртебелі мейман бауырлас елдердің өмірінде зиялы қауымның аса жауапты міндет атқаратынына да тоқталды. Анар Рзаев Қазақстанның латын әліпбиіне өту ісінен үлкен үміт күтетінін жеткізіп, бұл бастаманың туыс халықтардың жақындаса түсуге ықпал етеріне сенім білдірді.



Кездесу қорытындысы бойынша Түркі Академиясы мен Әзербайжан жазушылар одағы арасындағы әріптестікті нығайту жөнінде уағдаластыққа қол жеткізілді. Сондай-ақ Академия президенті Дархан Қыдырәлі Анар Рзаевқа академия шығарған кітаптарды сыйға тартты.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT