+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Тұрғын үй кооперативтерінің қызметін қатаң регламенттеу қажет – Мәжіліс депутаты

2021 жылғы 15 қыркүйек 12:44
Бөлісіңіз:
Тұрғын үй кооперативтерінің қызметін қатаң регламенттеу қажет – Мәжіліс депутаты

НҰР-СҰЛТАН. ҚазАқпарат – Тұрғын үй кооперативтерінің қызметін қатаң регламенттеу қажет. Бұл туралы Мәжіліс депутаты Файзолла Каменов айтты, деп хабарлайды ҚазАқпарат тілшісі.

Ұқсас жаңалықтар
Тұрғын үй бағасы жыл сайын 10-15% өсіп отырады – Талғат Ерғалиев Келесі жылы баспана бағасы қымбаттай ма Мемлекеттік бағдарламамен салынған үйлерге сын неге көп айтылады

«Қазіргі уақытта Қазақстанда 1 827 түрлі тұтыну кооперативі тіркелген. Бірақ азаматтардың шағымдары көбіне тұрғын үй тұтыну кооперативтерінің әрекетіне түседі. Бүгінгі таңда құқық қорғау органдары қаржы пирамидасын құру фактілері бойынша көптеген іс тергеуде. Оның ішінде республика «Новый дом 2017», «Свой дом», «Бест Вей-Недвижимость», «Шаңырақ КТК», «Отан строй» сияқты өндірістік кооперативтер назарға еркеше түседі. Олардың жалпы залал сомасы - 200 млн теңгеден асады. Бұл - қылмыстық іс қозғалған тұрғын үй кооперативтерінің толық емес тізімі. Бірақ көбіне құқық қорғау органдары акционерлер мен кооперативтердің құқықтық қатынастарының азаматтық-құқықтық сипатына сілтеме жасай отырып, мұндай жағдайларды тергеуден бас тартады», - деді бүгін Мәжілістің жалпы отырысында ҚР Премьер-Министрінің орынбасары Роман Склярға депутаттық сауал жолдаған Файзолла Каменов.

Оның атап өтуінше, мұндай ұйымдарға уәкілетті органдар тарапынан тиісті бақылау жүргізілмейді.

Тұтыну кооперативтерін құру айтарлықтай жеңіл, бірақ осы орайда азаматтардың өз ақшасын жоғалтып алуы секілді салдар әлі де мемлекеттің проблемасына айналып отыр.

«Осы депутаттық сауалмен тұрғын үй сатып алу үшін азаматтардың қаражатын тікелей немесе жанама түрде тартатын барлық осындай кооперативтердің қызметін қатаң түрде регламенттеу қажет екендігін сұраймыз. Ал алданған тұрғын үй салымшылары санының өсуіне жол бермеу мақсатында Үкіметке мынадай іс-шараларды қабылдауды ұсынамыз: тұтыну кооперативтерін тиісінше бақылау және олардың қызметін регламенттеу үшін мемлекеттік органдардың үйлестірушісін айқындап беру; тұтыну кооперативтері арқылы баспана сатып алу үшін ақша қаражатын салу қаупі туралы азаматтарды хабардар ету», - деді Мәжіліс депутаты.


Біздің каналымызға жазылыңыз:

Бөлісіңіз:

Автор:

Марлан Жиембай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT