Тунис жағалауында кеме апатқа ұшырап, 48 адам қаза тапты

АСТАНА. ҚазАқпарат - Тунис жағалауында мигранттар мінген қайық суға батып, кем дегенде 48 адам қаза тапты. Жағалаудағы күзет 67 адамды құтқарды, деп хабарлайды ҚазАқпарат Хабар24kz сайтына сілтеме жасап. 

Мигранттар арасында Туниспен қатар басқа елдердің азаматтары болған. Жергілікті биліктің дерегі бойынша, қайықта 180 мигрант болған, соның ішінде 80-і Африка елдерінің азаматтары.

Осы оқиғаға қатысты тараған мәліметтерде, кеме суға батып бара жатқанда, капитан жауапкершіліктен қашып, оны тастап кеткен.