Қолданушы баптаулары
Қолданушы баптаулары
+7 (701) 759 90 19 Лента
USD 371.56 EUR 422.43
RUB 5.56 CNY 53.51
Jańalyqtar

Тұңғыш рет FIDE комиссиясына Қазақстан өкілдері енгізілді

2019 жылғы 11 қаңтар 08:22 227
Бөлісіңіз:
Тұңғыш рет FIDE комиссиясына Қазақстан өкілдері енгізілді

АСТАНА. ҚазАқпарат - Халықаралық шахмат федерациясы (FIDE) комиссиясының құрамына тұңғыш рет Қазақстанның алты өкілі енді. Аталған тізім бүкіләлемдік шахмат федерациясының үш жыл сайын өтетін президенттік кеңесінде бекітіледі, деп хабарлайды ҚазАқпарат Olympic.kz сайтына сілтеме жасап.

Дәстүр бойынша, комиссия мүшелігіне шахматтағы танымал қайраткерлер, өз елінде шахматты дамытуға үлес қосқан тұлғалар қабылданады. 

Қазақстан шахмат федерациясының вице-президенті Берік Балғабаев FIDE президентінің кеңесшісі болып сайланды. 

Жандос Әбішев іс-шаралар жөніндегі комиссия мүшесі атанса, әлеуметтік сұрақтар бойынша комиссия мүшесі болып ҚШФ Атқарушы директоры Ирина Грищенко таңдалды. Халықаралық спорт шебері әрі гроссмейстер Евгений Владимиров FIDE-нің білім беру комиссиясы құрамына енді. Әлем және Азия чемпионы, гроссмейстер Дәрмен Сәдуақасов ғаламдық стратегиялар жөніндегі комиссиядан орын алды. Әлем чемпионы, гроссмейстер Динара Сәдуақасова ережелер жөніндегі комиссияға, ал ҚР ұлттық құрама мүшесі Гүлмира Дәулетова жеребе тарту жөніндегі комиссияға мүше болды. 

«Биылдан бастап шахмат әлемінде Қазақстанға үлкен жол ашылады. Мүмкіндіктер көбейеді. Шахматты елімізде дамытудан бөлек, FIDE-нің шешім қабылдауына әсер ететін федерациялардың бірі болып саналамыз. Бұл үлкен қадам Қазақстанның әлемдік шахматта алар орны ерекше екенін көрсетеді», - дейді вице-президент Жандос Әбішев. 

FIDE комиссиясының құрамына әлемнің 130 мемлекетінен 224 адам енді. Қазақстан өз өкілдерінің саны бойынша Ресей мен АҚШ-тан кейінгі үшінші орында тұр. Бұған дейін FIDE комиссиясының құрамында бірде-бір қазақстандық болмаған. 

 

 

 

Біздің каналымызға жазылыңыз:

Басты сөздер: Спорт,
Бөлісіңіз:
Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Кожакелдиев Е.
Кожакелдиев Е.
954-059
MURAǴAT