18:55, 05 Қараша 2018 | GMT +6
Түнгі клубқа қойылған бомба: 21 жастағы қостанайлық сотта жауап береді
ҚОСТАНАЙ. ҚазАқпарат - Қостанайлық полицейлер түнгі клубқа бомба қойылды деп жалған ақпарат таратқан 21 жастағы жігітті қамауға алды, деп хабарлайды ҚазАқпарат.
Ақпаратты облыстық полиция департаментінің баспасөз қызметі растады. Оқиға 5 қараша күні сағат 00:00 шамасында болған.
«Қостанай облысы полиция департаментінің кезекші бөліміне белгісіз біреу облыс орталығындағы түнгі клубтардың біріне бомба қойылғанын хабарлаған. Тексеру жұмыстары кезінде жарылғыш зат табылмады. Жедел-із кесу шаралары кезінде полицейлер жалған ақпарат таратқан 21 жастағы жігітті ұстады», - делінген полиция департаментінің баспасөз хабарламасында.
Күдікті сот алдында жауап береді.