Тұман, көктайғақ, аяз: Бүгін күн райы қандай болады

АСТАНА. ҚазАқпарат – «Қазгидромет» РМК-сы 28 қарашаға жасалған күн райына байланысты болжамын жариялады, деп хабарлайды ҚазАқпарат.

Кәсіпорынның деректеріне қарағанда, республиканың басым бөлігі әлі де суық антициклонның ықпалында болғандықтан бүгін күн ашық және аязды болады.

Атмосфералық ағындардың өтуіне орай республиканың оңтүстігінде, оңтүстік-батысында жауын-шашын (жаңбыр, қар), тұман, көктайғақ болады. Қазақстан Республикасының аумағында жел күшеюі мүмкін.

Жетісу облысының солтүстігінде, шығысында, таулы аймақтарында, түнде Қызылорда облысының оңтүстік-шығысында, Түркістан облысының таулы асуларында 30 м/с және одан да жоғары жылдамдықпен жел соғады.