Трейдерлер ЕО-дағы газ бағасының шектелуіне байланысты үлкен шығын туралы ескертті

БРЮССЕЛЬ. ҚазАқпарат – ЕО-дағы газ бағасының шектелуі нарыққа 33 миллиард доллар шығын әкеледі. Бұл туралы Лондон ICE биржасының өкілдері мәлімдеді, деп хабарлайды ҚазАқпарат меншікті тілшісі.

«Financial Times» газеті энергия ресурстарының трейдерлері қосымша маржалық төлемдер алуы мүмкін деп жазады.

Сейсенбіде Еуропалық комиссия газ бағасын шектеу туралы ұсынысты жариялады. Егер TTF хаб индексі бойынша МВт/сағ бағасы (ЕО нарығының 80%-ы үшін) екі апта қатарынан 275 еуродан асып кетсе және сұйытылған табиғи газдың (СТГ) әлемдік бағасының айырмашылығы 58 еуроға тең немесе одан асса, комиссия газ құнын барынша қымбаттатуды ұсынып отыр.

Осыған орай, ЕО-ның жетекші биржалық операторы, егер Брюссельдің негізгі еуропалық эталондық газ бағасын шектеу жоспары жүзеге асырылса, энергия ресурсы трейдерлері маржалық төлем түрінде қосымша 33 миллиард доллар төлеуі керек екенін ескертті.

Маржа талаптарының айтарлықтай өсуі «нарықты тұрақсыздандыруы» мүмкін, делінген ICE биржасының жазбасында.