+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Тойға рұқсат бергеніне пара алған: Қызметкерінің қылығы үшін Талдықорған әкімінің орынбасары жұмыстан қуылды

2021 жылғы 5 тамыз 08:38
Бөлісіңіз:
Тойға рұқсат бергеніне пара алған: Қызметкерінің қылығы үшін Талдықорған әкімінің орынбасары жұмыстан қуылды

ТАЛДЫҚОРҒАН. ҚазАқпарат - Алматы облысында Талдықорған қаласы әкімінің орынбасары жұмыстан қуылды, деп хабарлайды ҚазАқпарат.

Ұқсас жаңалықтар
Алматы облысында 200 мың теңге пара алған полицейлер 7 млн теңгеден айыппұл төледі Биыл Алматы облысында 69 шенеунік жемқорлық жасағаны үшін сотталған Алматы жедел жәрдем қызметі жұмысшылардың жемқорлық туралы шағымына жауап берді

Бұл жайында Сыбайлас жемқорлыққа қарсы қызметтің Алматы облыстық департаменті ресми мәлімет таратты.

Қазір аталмыш департаменттің тергеу басқармасы Талдықорған қаласы кәсіпкерлік бөлімінің басшысына және бас маманына қатысты істі тергеп жатыр. Олар ҚР Қылмыстық кодексінің 366-бабы бойынша пара алды деген күдікке ілінген.

Айта кетейік, аталған бөлімнің бастығы қарамағындағы бас маманмен сыбайласып, коронавирусқа қатысты шектеу шаралары кезінде бұқаралық іс-шараларды өткізуге тыйым салынғанына қарамастан мейрамхана иелерінен және көшедегі сауда-саттық нүктелерінен 20 мыңнан бастап 270 мың теңгеге дейін пара алып отырған.

Олардан бөлек тағы 5 мейрамхананың әкімшісі де пара бергені үшін қылмыстық жауапкершілікке тартылып отыр.

Осы қылмыстық істің негізінде Алматы облыстық сыбайлас жемқорлыққа қарсы іс-қимыл департаментінің басшылығы қала әкімінің қатысуымен кеңес өткізді.

Оның нәтижесі бойынша тиісті бақылау жасамағаны үшін Талдықорған қаласы әкімінің орынбасары Сәуле Арзанбекова жұмыстан босатылды.

«Аталған жемқорлық қылмысын тергеу жалғасып жатыр. Басқа мәліметтер тергеу мүддесіне байланысты жарияланбайды» деп мәлім етті департамент.


Біздің каналымызға жазылыңыз:

Бөлісіңіз:

Автор:

Жанат Қапалбаева

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Үмбет Шолпан
Үмбет Шолпан
954-059

MURAǴAT