Төтенше жағдай: Нұр-Сұлтан қаласында бизнес нысандарының көліктері қалай қозғалуы керек
Құжат бойынша, Төтенше жағдай кезеңінде бизнес субъектілері (сауда объектілері мен базарлар, дүкендер, дәріханалар және басқа да объектілер):
1. Жұмыс кестесін 8 сағат 00 минуттан 22 сағат 00 минутқа дейін қамтамасыз етсін;
2. Бизнес субъектілерінің басшылары тонау, тауарларды ұрлау және мүлікті бүлдіру жағдайларын болдырмау үшін қосымша қауіпсіздік шараларын қабылдасын;
3. Азық-түлік және тамақ өнімдерін үздіксіз жеткізуді ұйымдастырсын.
Үш ауысымды кестемен жұмыс істейтін және әлеуметтік маңызы бар азық-түлік тауарларын тасымалдаушы ұйымдардан басқа азық-түлік емес тауарларды, шикізатты, материалдарды жеткізу қызметтерінің жұмысы коменданттық сағат басталғанға дейін жұмыс кестесіне сәйкес ұйымдастырылсын;
Сондай-ақ, ұйымдардың көлік құралдарының коменданттық сағат кезінде кедергісіз қозғалысын қамтамасыз етілуі керек.
Нұр-Сұлтан қаласындағы кәсіпкерлік саласындағы уәкілетті орган күн сайын автокөлік құралына арнайы рұқсаттама беріп отырады.
Осындай рұқсатпен қалада көлікпен жүру үшін мынадай құжаттар керек:
Жеке куәлік немесе паспорт (жүргізуші және қызметкерлер);
автокөлік құралына арнайы рұқсаттама;
тауар жүкқұжаты және түпнұсқадағы жеткізу мекенжайлары;
Үш ауысымды жұмыс кестесі бар қызметкерлерді тасымалдау кезінде төтенше жағдай кезінде жұмыс орнын растайтын құжат (жұмыс орнынан анықтама және т. б.) түпнұсқада;
жеткізу мекенжайы құжатта көрсетілген жұмыс орнына сәйкес келуі керек.
Үш ауысымды жұмыс кестесі бар бизнес субъектілері қызметкерлерді тұрақты бекітілген көлік құралында орталықтандырылған тасымалдаумен қамтамасыз етуге тиіс.